Jón Pétur Zimsen gefur lítið fyrir þær aðgerðir menntamálaráðherra sem kynntar voru í drögum að 2. aðgerðaáætlun menntastefnu til ársins 2030 á menntaþingi í síðustu viku.

Hann bendir á að engin mælanleg markmið séu sjáanleg í drögunum.

Engar tímasetningar hafi heldur verið teknar fram um hvenær eigi að ráðast í aðgerðirnar eða hvenær eigi að ljúka þeim.

Dæmigerðar um ástandið

„Þessar aðgerðir eru dæmigerðar um það ástand sem er í menntakerfinu. Og þær eru dæmigerðar líka um það á hvaða stað við erum. Það er engin skuldbinding í þessum aðgerðum og engin ábyrgð,“ segir Jón Pétur í Dagmálum í dag.

„Það er ekkert sem hönd á festir í þessu í raun.“

Morgunblaðið greindi frá aðgerðunum tuttugu fyrir viku. Eiga þær að vera hluti af viðbragðinu við slökum árangri íslenskra grunnskólabarna í síðustu PISA-könnun en niðurstöður hennar bárust í desember á síðasta ári.

Frétt af mbl.is

Tíu mánaða bið, tuttugu „aðgerðir“

Þýðir ekki að ræða um borgaravitund við þig

„Svo er það pínulítið hjákátlegt að sjá hverja tillöguna á fætur annarri sem byggist á því að börn geti lesið sér til gagns. Fullt af tillögum þarna byggist á því að börnin geti lesið sér til gagns en þau geta það ekki,“ segir Jón Pétur og vísar m.a. í aðgerð með yfirskriftina „stafræn borgaravitund í menntun og áhersla á miðlalæsi“.

„Ef þú getur ekki lesið þér til gagns þá þýðir ekki að ræða um borgaravitund við þig. Það þýðir ekki að ræða um lýðræði við þig,“ segir Jón Pétur.

Lesa má meira um málið í Morgunblaðinu í dag. 

Kominn tími til að setja niður fótinn

Tengdar fréttir

Dagmál

Sjálfstæðismaður frá vöggu til grafar

• Simla – orð sem nánast glataðist
• Veiddu 500 dýr í óleyfi á síðustu öld
• Þörf á meira samræmi milli skóla
• Mikill tími kennara fer í samskipti við foreldra

» Fleiri tengdar fréttir

Skólakerfið í vanda

Þurfa að betla fé til bókakaupa

• 88% barna í 6. bekk á samfélagsmiðlum
• Þörf á meira samræmi milli skóla
• Mikill tími kennara fer í samskipti við foreldra
• Borgaravitund nú hluti af námskrá

» Fleiri tengdar fréttir