„Það er ekkert sem hönd á festir í þessu í raun,“ segir Jón Pétur Zimsen, sérfræðingur í menntamálum, um drög að aðgerðum sem menntamálaráðherra kynnti í síðustu viku til að bregðast við slökum árangri íslenskra barna í PISA.

„Það er ekki tímasett með neinum hætti hvenær á að klára eitthvað og hvenær á að gera eitthvað,“ segir Jón Pétur, sem er til viðtals í Dagmálum í dag

Aðgerðirnar eru tuttugu talsins og fela m.a. í sér áherslu á sjálfbærni og loftslagsmál, stafræna borgaravitund, fjölgun kennara, vellíðan í skóla- og frístundastarfi og bættan námsárangur.

Athygli vekur að í kynningu á drögum aðgerðaáætlunarinnar var hvergi minnst á verkþætti, þ.e. hvernig stjórnvöld ætla sér að ná þeim markmiðum sem sett eru fram í áætluninni.

Yfirlýstum aðgerðum svipar því frekar til markmiða en eiginlegra aðgerða. Þær eru útlistaðar hér til hliðar.

Frétt af mbl.is

Engin skuldbinding, engin ábyrgð

Ásmundur Einar Daðason mennta- og barnamálaráðherra á menntaþingi skólayfirvalda í síðustu viku. mbl.is/Karítas

„Ekkert þannig í þessu“

Jón Pétur tekur fram að hann hafi kunnað við að sjá áætlunina kveða á um jöfn tækifæri nemenda, samræmt verklag um móttöku barna með erlendan bakgrunn og að fólk sem starfi með börnum eigi að tala góða íslensku.

„En það stendur ekkert um það hvort það sé farið eftir evrópska tungumálarammanum eða ekki. Það er mælikvarði á hversu góða íslensku þú talar.“

Hann ítrekar þá að aðgerðirnar feli ekki í sér neina skuldbindingu.

„Við ætlum að klára þetta og gera þetta og ná þessum árangri, fyrir þennan tíma. Það er ekkert þannig í þessu. Þannig þú getur alltaf sagt, já við náðum þessu eða náðum þessu ekki,“ segir Jón Pétur.

Frétt af mbl.is

Tíu mánaða bið, tuttugu „aðgerðir“

„Það er ekki tímasett með neinum hætti hvenær á að klára eitthvað og hvenær á að gera eitthvað,“ segir Jón Pétur. mbl.is/Hari

Höfum ekki breytt um stefnu

Lestu meira

Áhuginn hrynur: Gjörbreytt umhverfi barna

„Svo er það pínu­lítið hjákát­legt að sjá hverja til­lög­una á fæt­ur ann­arri sem bygg­ist á því að börn geti lesið sér til gagns,“ seg­ir Jón Pét­ur.

„Fullt af til­lög­um þarna bygg­ist á því að börn­in geti lesið sér til gagns en þau geta það ekki.“

Tekur hann sem dæmi eina aðgerð sem ber yf­ir­skrift­ina „sta­f­ræn borg­ara­vit­und í mennt­un og áhersla á miðlalæsi“.

„Það stendur ekkert í þessu skjali um að eftir annan bekk – allir sem eru ekki með taugafræðilega raskanir eiga að geta lesið þetta mikið, eða sér til gagns. Eftir fjórða bekk eiga þau að geta skrifað þennan texta. Það væri hægt að mæla það og skoða síðan hvernig gengur. Það er ekkert um það í þessu,“ bendir hann á.

Hann segir aðgerðirnar dæmi um það að stjórnvöld hafi enn ekki breytt um stefnu í menntamálum.

Áskrifendur geta horft eða hlýtt á þáttinn í heild sinni:

Kominn tími til að setja niður fótinn

Aðgerðirnar tuttugu

• Stefna um stafrænar lausnir í skólastarfi
• Sjálfbærni og loftslagsmál í menntun
• Þróun námsframboðs framhaldsskóla
• Stafræn borgaravitund í menntun og áhersla á miðlalæsi
• Fjölgun kennara
• Íslenskufærni starfsfólks sem vinnur við uppeldi og menntun barna
• Öflugir kennarar í skólum landsins
• Stuðningur og ráðgjöf við nám og kennslu
• Samræmt verklag um móttöku, menntun og inngildingu barna með fjölbreyttan tungumála- og menningarbakgrunn á landsvísu
• Efling námsgagnaútgáfu og ný lög um námsgögn
• Öflugt samráð við börn og ungmenni um menntamál
• Menntaþing um leikskólastigið og þróun þess
• Innleiðing heildstæðrar löggjafar um inngildandi menntun og skólaþjónustu
• Safn vandaðra almennra skimunartækja til notkunar í skólum
• Aukin áhersla á vellíðan í skóla- og frístundastarfi
• Námsumhverfi barna og ungmenna styðji við farsælt nám og vellíðan
• Menntatölfræði og lykiltölur menntunar
• Endurskoðun aðalnámskráa leik-, grunn-, framhalds- og tónlistarskóla
• Endurskoðað mat og eftirlit með skólastarfi
• Bættur námsárangur í alþjóðlegum samanburði

Tengdar fréttir

Dagmál

Engin skuldbinding, engin ábyrgð

• Ungmenni þurfa átta til tíu tíma svefn
• Hákon um Véstein: „Hann dáleiðir mann!“
• „Ég fór fyrir framan spegilinn og rak sjálfan mig“
• „Þá var ég lögbrjótur“

» Fleiri tengdar fréttir

Skólakerfið í vanda

Ráðherra segir þróunina raunverulegt áhyggjuefni

• Áhuginn hrynur: Gjörbreytt umhverfi barna
• Böndin berast að snjallsímum grunnskólabarna
• Staðreyndirnar sláandi og tafarlausra aðgerða þörf
• Bitnar á núverandi nemendum

» Fleiri tengdar fréttir

• Blogga um frétt