Ísland í fimmta sæti aðildarríkja SÞ
Setja bókamerki
Ísland heldur fimmta sæti í könnun aðildarríkja Sameinuðu þjóðanna á stafrænni þjónustu þegar litið er til þjónustu hins opinbera og fjarskiptainnviða.
Á undan Íslandi á sviði stafrænnar þjónustu innan SÞ eru Danmörk í fyrsta sæti, svo Eistland, Singapúr og Suður-Kórea.
Könnunin merki um árangur stjórnvalda
Ísland heldur fimmta sæti frá árinu 2022 þegar könnunin var síðast gerð en hefur hækkað í stigagjöf. Árið 2022 var stigagjöf Íslands 0,9410 samanborið við 0,9671 í könnuninni í ár.
Við gerð könnunarinnar var litið til þriggja þátta: Stafrænnar þjónustu, fjarskiptainnviða og mannauðs og hæfni, segir í tilkynningu frá fjármála- og efnahagsráðuneytinu.
Haft er eftir Sigurði Inga Jóhannssyni, fjármála- og efnahagsráðherra, í tilkynningunni:
„Fjárfesting íslenskra stjórnvalda í stafrænni þjónustu, ekki síst fyrir tilstilli verkefnastofunnar um Stafrænt Ísland og Ísland.is, ber sýnilegan árangur. Niðurstöður samanburðarkönnunar aðildarríkja Sameinuðu þjóðanna eru skýrt merki um það.“
Símabannið haft mikil áhrif á skólastarfið
Samtali um útlendingafrumvörp ekki lokið
Snjókoma á fjallvegum seinnipartinn
Engin skuldbinding, engin ábyrgð
Myndskeið: Fyrsta heimsóknin í Jónshús
Fáum handritin heim í „langtímalán“