Mikill reykur kemur frá rútu í Mörkinni í Reykjavík og er slökkviliðið á höfuðborgarsvæðinu á leiðinni á staðinn.
Að sögn varðstjóra hjá slökkviliðinu er talið að reykurinn komi úr vél rútunnar.
Hann hefur ekki frekari upplýsingar um málið að svo stöddu.
Uppfært kl. 8.40:
Slökkviliðið á höfuðborgarsvæðinu þurfti ekkert að aðhafast er það kom á vettvang.
Að sögn varðstjóra kom reykurinn líklega út frá kyndingunni í rútunni. Bílstjórinn hafði kveikt á hiturum sem líklega blésu af sér út úr púströrinu með þeim afleiðingum að mikill reykur steig upp.
Þegar slökkviliðið kom á staðinn var bílstjórinn búinn að slökkva á kyndingunni og reykurinn farinn. Engir farþegar voru í rútunni.