„Það alvarlegasta við þetta er að ekkert í þessum texta er ofsagt,“ sagði Ásmundur Einar Daðason, mennta- og barnamálaráðherra, eftir að samstöðukór fyrir frjálsa Palestínu flutti yfirlýsingu um stöðu barna á Gasasvæðinu fyrir hann í morgun. 

Í yfirlýsingunni segir meðal annars að börn á Gasa hafi ekki gengið í skóla í ár þar sem 85% menntastofnana á svæðinu hafa verið sprengdar af Ísraelsher og kennarar þeirra drepnir. Þá kom fram að ekki væri hægt að segja með óyggjandi hætti hve mörg börn hefðu látið lífið á Gasa vegna átakanna.

Opinberar tölur segja að sextán þúsund börn hafi dáið en þar er þó ekki gert ráð fyrir þeim fjölda sem hefur dáið úr auðlæknanlegum sýkingum eða sjúkdómum, þeirra sem hafa soltið til bana, dáið úr kulda, hita eða streitu, né þeim sem liggja enn undir húsarústum.

Þetta kemur fram í tilkynningu kórsins.

Frétt af mbl.is

Formaður VG: Þjóðarmorð á Gasa

Aðallega drepið óbreytta borgara

Stríð Ísra­els í Gasa, sem hófst eft­ir árás Ham­as á Ísra­el fyr­ir ári, hef­ur orðið meira en 41.900 manns að bana.

Með stríðsrekstr­in­um hafa Ísra­el­ar aðallega drepið óbreytta borg­ara, að sögn heil­brigðisráðuneyt­is­ins sem er á yf­ir­ráðasvæði Ham­as.

Sam­einuðu þjóðirn­ar hafa sagt töl­urn­ar áreiðan­leg­ar.

Frétt af mbl.is

Óttast að Ísraelar fari eins með Líbanon og Gasa

Ásmundur sagði ekkert í yfirlýsingunni ofsagt. Ljósmynd/Aðsend

Sungu fyrir Ásmund

Kórinn söng fyrir ráðherra og starfsfólk ráðuneytisins Þú veist í hjarta þér eftir Þorstein Valdimarsson en Bergrún Íris Sævarsdóttir, barnabókahöfundur og teiknari, las yfirlýsinguna. Hún situr í stjórn Barnaheilla en í nýlegri skýrslu samtakanna segir að ekki sé vitað um afdrif 20 þúsund barna á Gasa.

„Limlestingar barna hafa aldrei verið meiri í manna minnum en talið er að rúmlega tíu börn missi útlim á dag og erlendir barnalæknar sem starfa í Palestínu lýsa ástandinu sem helvíti á jörðu,“ segir í tilkynningu kórsins.

Frétt af mbl.is

Tekur undir með varaformanni: Þjóðarmorð á Gasa

Kórinn flutti lag fyrir ráðherra og starfsfólk. Ljósmynd/Aðsend

Slíta samstarfi við Ísrael

Eftir að hafa flutt yfirlýsinguna kom Bergrún Íris jafnframt á framfæri þremur kröfum sem kórinn krefur Ásmund um að beita sér fyrir að ríkisstjórn Íslands framfylgi.

• Að styðja kæru Suður-Afríku á hendur Ísraelsríkis fyrir brot á Sáttmála Sameinuðu þjóðanna gegn þjóðarmorði.

• Að slíta stjórnmálasamstarfi Íslands við Ísrael.

• Að Alþingi Íslands samþykki þingsályktunartillögu um viðskiptaþvinganir gagnvart Ísrael og að ríkisstjórnin setji þær þvinganir á eins fljótt og auðið er.

Í tilkynningunni segir að ráðherra hafi þakkað fyrir hvatninguna og sagt: „Það alvarlegasta við þetta er að ekkert í þessum texta er of sagt.“

https://www.mbl.is/frettir/erlent/2024/04/16/vilja_frekari_upplysingar_um_dauda_ungu_stulkunnar/

Tengdar fréttir

Ísrael/Palestína

Hisbollah skutu á Ísrael: Leiðtogar ræða saman

• Hryðjuverkaógn í Noregi á næstefsta stig
• Yfirvöld í Sýrlandi segja börn meðal látinna
• Hvatti Líbana til að bola Hisbollah burt
• Óttast að Ísraelar fari eins með Líbanon og Gasa

» Fleiri tengdar fréttir

• Blogga um frétt