Logi Einarsson, þingmaður Samfylkingarinnar, segir að ríkisstjórnin sé komin að endimörkum. „Það er upplausn í samstarfinu og það hefur blasað við öllum í marga mánuði.“

Þetta sagði Logi undir liðnum störf þingsins á Alþingi í dag. 

Rifu í handbremsuna

Hann bætti við að Vinstri græn hefðu „einfaldlega rifið í handbremsuna varðandi stærstu mál Sjálfstæðisflokksins; útlendingamál, frekari orkuöflun og það er hægt að telja ýmislegt annað.“

Logi sagði að Óli Björn Kárason, þingmaður Sjálfstæðisflokksins, hefði áttað sig á þessu og talað skýrt um þessi mál í grein sem birtist í Morgunblaðinu í dag. 

Frétt af mbl.is

Útilokað að réttlæta samstarf

„Þar segir hann hingað og ekki lengra, að langlundargeðið sé þrotið og jafnframt að hann sjái eftir því að hafa ekki gengið enn lengra en að segja af sér starfi þingflokksformanns í kjölfar þess að þáverandi matvælaráðherra og núverandi formaður VG stöðvaði hvalveiðar í óþökk margra stjórnarliða; ákvörðun sem hún var snupruð fyrir af fyrrverandi umboðsmanni Alþingis,“ sagði Logi.

Geta ekki búið við þrjár ólíkar ríkisstjórnir

Hann bætti við, að almenningur gæti einfaldlega ekki búið við þrjár ólíkar ríkisstjórnir í landinu á sama tíma.

„Nú verða þessir flokkar þrír einfaldlega að pakka saman, slíta samstarfinu og boða til kosninga áður en þeir valda enn þá meira tjóni fyrir þjóðina.“

Tengdar fréttir

Alþingi

Beint: Bjarni tilkynnir um þingrof og kosningar

• Lilja aðstoðar Þórdísi
• „En sagan er auðvitað lengri en þetta“
• Segir stjórnarslit ekki hafa legið í loftinu
• „Stjórnarkreppa í Íslandi“

» Fleiri tengdar fréttir

• Blogga um frétt