Þyrlan kölluð til baka með kafarahópinn

Önnur tveggja þyrlna sem voru kallaðar út að Stuðlagili hefur verið kölluð til baka og lenti á Reykjavíkurflugvelli fyrir skömmu. 

Ásgeir Erlendsson, upplýsingafulltrúi Landhelgisgæslunnar, segir fyrri þyrluna þegar komna á svæðið fyrir austan þar sem leit stendur yfir að einstaklingi sem talinn er hafa fallið í Jökulsá á Dal við Stuðlagil. 

Seinni þyrlan hafði þegar tekið á loft með kafara slökkviliðsins á höfuðborgarsvæðinu innanborðs þegar hún var kölluð til baka. 

Aðspurður kveðst Ásgeir ekki hafa upplýsingar að veita um gang leitarinnar.

Frétt af mbl.is

Sást fljóta í ánni en hvarf sjónum

• Blogga um frétt