Vatni skvett í útsendingu
Setja bókamerki
Svo mikla áherslu lagði Áslaug Hulda Jónsdóttir, aðstoðarmaður ráðherra, á orð sín í Spursmálum að barmafullt vatnsglas fór um koll. Gerðist þetta þegar talið barst að brotthvarfi kristinfræðslu úr skólum.
Með henni í þættinum var enda geistlegur maður, sr. Ólafur Jóhann Borgþórsson, sóknarprestur í Seljakirkju og verðandi framkvæmdastjóri Herjólfs í Vestmannaeyjum.
Morgunblaðið kemur alltaf til bjargar
Góð ráð voru dýr enda ekki í boði að stöðva útsendingu þrátt fyrir örlítið votviðri. Brá þáttarstjórnandi þá á það ráð að grípa nærliggjandi Morgunblað, sem þá þegar hafði verið lesið upp til agna. Tókst að þerra Spursmálaborðið svo að fundafært varð að nýju.
Athygli vekur að á þeim tíu mánuðum sem Spursmál hafa verið í loftinu er þetta í annað sinn sem vatni er skvett með tilþrifum sem þessum. Síðast gerðist það þegar Björt Ólafsdóttir, fyrrverandi ráðherra, mætti til leiks. Lagði hún svo ríka áherslu á orð sín að eitthvað varð undan að láta.
Þá uppákomu má sjá ef smellt er á fréttina hér að neðan:
Viðtalið við Áslaugu og Ólaf Jóhann má sjá og heyra í heild sinni í spilaranum hér að neðan.
„Mér finnst gamla Samfylkingin komin aftur“
Funda með þingflokkum
Þetta eru ráðherrar ríkisstjórnarinnar
„Börn heima sem maður myndi vilja hafa í skjóli“
Bein útsending: Ríkisstjórnarsamstarfið kynnt
Barn lést í árásinni
Ný ríkisstjórn kynnt á morgun
Forstjóri bendir á ábyrgð birgja vegna verðhækkana