Það sem af er þessu ári má greina vaxandi vanskil bæði hjá heimilum og fyrirtækjum. Aukningin hefur mest verið í alvarlegum vanskilum fyrirtækja, þar sem hlutfallsleg aukning nemur um 20% á milli ára.

Þetta kemur fram í tilkynningu frá fyrirtækinu Modus.

Nú eru um 2,61% krafna á fyrirtæki í alvarlegum vanskilum en þau voru 2,18% á sama tíma í fyrra. Árið 2019 voru aftur á móti 3,25% krafna á fyrirtæki í alvarlegum vanskilum og er staðan því enn töluvert betri en þá.

Fram kemur að fram á mitt ár 2021 hefðu vanskil minnkað mikið. Haustið 2023 tók Modus að greina smávægilega aukningu í vanskilum bæði hjá heimilum og fyrirtækjum. Þrátt fyrir aukningu í alvarlegum vanskilum fyrirtækja í fyrra drógust alvarleg vanskil heimila enn saman. Í september í fyrra höfðu þau dregist saman um 47% frá árinu 2019.

„Ef við rýnum vanskil sveitarfélaganna út frá aldurshópum má sjá að aldurshóparnir 19-30 ára og 60 ára og eldri standa einna best og lenda sjaldnar í vanskilum en aðrir. Það virðist því vera að fólk á miðjum aldri, 31 – 60 ára, lendi frekar í vanskilum og sérstaklega hjá sveitarfélögunum. Virðist það eiga við um bæði vanskil og alvarleg vanskil,“ segir í tilkynningunni.

Tengdar fréttir

Vextir á Íslandi

Verðbólgan stendur í stað

• Spá 4,7% verðbólgu í desember
• Íslandsálagið u.þ.b. eitt prósentustig
• Nefndarmenn sammála í Seðlabankanum
• Lítið ber á vanskilum og greiðsluerfiðleikum

» Fleiri tengdar fréttir

• Blogga um frétt