Formaðurinn víkur vegna ágreinings
Setja bókamerki
Formaður Sameykis Þórarinn Eyfjörð hefur látið af embætti og varaformaðurinn fráfarandi Ingibjörg Sif Sigríðardóttir tekur við formennskunni.
Í tilkynningu segir að ágreiningur hafi verið milli Þórarins og stjórnar Sameykis um nokkurt skeið og leiddi til þessarar niðurstöðu.
„Á undanförnum mánuðum hefur ágreiningur verið milli formanns og stjórnar Sameykis stéttarfélags í almannaþjónustu um áherslur og stefnu í verkefnum félagsins. Vegna þessa ágreinings hefur orðið að samkomulagi að Þórarinn Eyfjörð láti af starfi formanns Sameykis.
Stjórn Sameykis og starfsfólk þakkar Þórarni Eyfjörð fyrir framlag sitt og þjónustu í þágu Sameykis og óskar honum velfarnaðar,“ segir í tilkynningunni.
Sameyki er stéttarfélag í almannaþjónustu. Félagið varð til við sameiningu Starfsmannafélags Reykjavíkurborgar og SFR stéttarfélags í almannaþjónustu hinn 26. janúar 2019. Félagið þjónar rúmlega 14 þúsund félagsmönnum um land allt.
„Mér finnst gamla Samfylkingin komin aftur“
Samfylking og Viðreisn gáfu loforð
Forstjóri bendir á ábyrgð birgja vegna verðhækkana
Stóðu skógarþjófa að verki
Beint: Ellefu ráðuneyti í stað tólf
„Börn heima sem maður myndi vilja hafa í skjóli“
Stormur á Þorláksmessu en víðast hvar stefnir í hvít jól
Kristrún Frostadóttir verður forsætisráðherra