Hvorki Framsókn né Vinstri græn funda
Setja bókamerki
Tengdar fréttir
Alþingi
Ekki er búið að boða þingflokk Framsóknar á fund í dag né þingflokk Vinstri grænna.
Þetta staðfesta Orri Páll Jóhannsson, þingflokksformaður Vinstri grænna, og Halla Signý Kristjánsdóttir, varaþingflokksformaður Framsóknar, við mbl.is.
Eins og mbl.is greindi fyrst frá þá var skyndilega boðað til þingflokksfundar hjá Sjálfstæðisflokknum í Valhöll fyrr í dag sem stendur enn yfir.
Tveir stjórnarliðar kallað eftir stjórnarslitum
Mikil ólga hefur verið á stjórnarheimilinu í þessari viku. Tveir stjórnarliðar, Óli Björn Kárason og Jón Gunnarsson, hafa sagt erindi stjórnarinnar vera komið að þrotum vegna þess að Vinstri græn vilji ekki gera meira í útlendingamálum og orkumálum.
Þegar ríkisstjórnin var endurnýjuð undir forystu Bjarna Benediktssonar var sagt að erindi ríkisstjórnarinnar væri að takast á við efnahagsmálin, útlendingamálin, orkumálin og breytingar á örorkulífeyriskerfinu.
Þar að auki eru sjálfstæðismenn og margir framsóknarmenn ekki sáttir við það að Svandís Svavarsdóttir, formaður Vinstri grænna, skyldi hafa sagt opinberlega að hún vildi kosningar í vor án þess að ræða við formenn hinna stjórnarflokkanna.
Tengdar fréttir
Alþingi
Ók á hóp fólks á jólamarkaði: Einn látinn
Forstjóri bendir á ábyrgð birgja vegna verðhækkana
„Mér finnst gamla Samfylkingin komin aftur“
Bjarni: „Útilokað að þetta geti gengið upp“
„Tímabil aukinnar eldvirkni“
Stormur á Þorláksmessu en víðast hvar stefnir í hvít jól
Var engin kristnitaka árið 1000?
Ný ríkisstjórn kynnt á morgun
