Skyndifundur hafinn í Valhöll
Setja bókamerki
Þingflokkur Sjálfstæðisflokksins er kominn saman til fundar í Valhöll. Boðað var til fundarins með skömmum fyrirvara og hófst hann þegar klukkan var að ganga 16.
Ekki eru allir þingmenn mættir á fundarstað heldur verður hann einnig haldinn með fjarfundarbúnaði.
Orri Páll Jóhannsson, þingflokksformaður Vinstri grænna, staðfestir við mbl.is að ekki sé búið að boða til þingflokksfundar hjá Vinstri grænum.
Mikil ólga á stjórnarheimilinu
Mikil ólga hefur verið á stjórnarheimilinu í þessari viku. Tveir stjórnarliðar, Óli Björn Kárason og Jón Gunnarsson, hafa sagt erindi stjórnarinnar vera komið að þrotum vegna þess að Vinstri græn vilja ekki gera meira í útlendingamálum og orkumálum.
Þegar ríkisstjórnin var endurnýjuð undir forystu Bjarna Benediktssonar var sagt að erindi ríkisstjórnarinnar væri að takast á við efnahagsmálin, útlendingamálin, orkumálin og breytingar á örorkulífeyriskerfinu.
Þar að auki eru sjálfstæðismenn og margir framsóknarmenn ekki sáttir við það að Svandís Svavarsdóttir, formaður Vinstri grænna, skyldi hafa sagt opinberlega að hún vildi kosningar í vor án þess að ræða við formenn hinna stjórnarflokkanna.
Þetta sögðu ráðherrarnir í morgun við mbl.is
Í kjölfar ríkisstjórnarfundar í morgun ræddi mbl.is við nokkra ráðherra Sjálfstæðisflokksins.
„Ég held að allir stjórnarflokkarnir geri sér grein fyrir því að stjórnin er í brekku núna og stjórnarflokkarnir,“ sagði Bjarni í samtali við mbl.is.
Þórdís Kolbrún Reykfjörð Gylfadóttir utanríkisráðherra sagði í samtali við mbl.is að flokkurinn væri tilbúinn í kosningar.
„Það er komin upp mjög flókin pólitísk staða og formenn stjórnarflokkanna eru með það á sínu borði að finna út úr því. Þangað til að þau hafa sagt eitthvað til um það, er það staðan,“ sagði hún.
Í samstarfinu til að klára mál
Áslaug Arna Sigurbjörnsdóttir, háskóla-, iðnaðar- og nýsköpunarráðherra, sagði í samtali við mbl.is að það væri eðlilegt að þingflokkur Sjálfstæðisflokksins velti vöngum yfir næstu skrefum í ríkisstjórnarsamstarfi við Framsóknarflokk og Vinstri græn.
„Við erum í ríkisstjórnarsamstarfi til þess að klára mál, við höfum verið í því vegna þess að við teljum okkur vera að ná mikilvægum árangri. Og ef við sjáum ekki fram á það að ná að klára hér mál sem við höfum lagt ríka áherslu á – höfum forræði yfir með því að vera með þá málaflokka, þá er eðlilegt að við spyrjum okkur hver næstu skref í þessu samstarfi eru,“ sagði hún.
Fréttin hefur verið uppfærð.
Óttast að fólk fari aftur að eyða peningum
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Hraunið náð Njarðvíkuræð: Fylgjast með raflínu
Einar skorar á næstu ríkisstjórn
Mjög alvarlegt ef Njarðvíkuræð gefur sig
Gosið gæti varað lengur: Meiri fyrirstaða í gosrásinni
Heitt vatn fannst sem gæti annað 10 þúsund manns
Átti ekki að láta pirring bitna á sjúklingi