Ef fyrirhugaðar verkfallsaðgerðir kennara í að minnsta kosti átta skólum raungerast mun það hafa alvarleg áhrif á stöðu barna.

Þetta segir Ásmundur Einar Daðason, mennta- og barnamálaráðherra, í samtali við mbl.is að ríkisstjórnarfundi loknum í morgun.

„Falli skólahald niður vegna verkfalla þá hefur það gríðarleg áhrif á stöðu barna og ungmenna, við sáum það bara í heimsfaraldrinum og öllum rannsóknum og öðru sem lýtur að því. Langvarandi verkföll hafa alvarleg áhrif gagnvart stöðu barna, námi þeirra og rútínu. Kannski sérstaklega gagnvart börnum í viðkvæmri stöðu,“ segir Ásmundur.

Frétt af mbl.is

Annar skóli undirbýr verkfallsaðgerðir

Funda á þriðjudag

Kenn­ar­ar í fjór­um leik­skól­um, þrem­ur grunn­skól­um og einum framhaldsskóla hafa samþykkt að leggja niður störf 29. októ­ber, verði ekki búið að semja fyr­ir þann tíma.

Eftir skamma stund mun koma í ljós hvort kennarar í ótilgreindum tónlistarskóla hafi samþykkt verkfallsboðun. Atkvæðagreiðslu lauk klukkan 15.

Kennarasamband Íslands tilkynnti svo í gær að til skoðunar væri að boða til atkvæðagreiðslu um verkfall í öðrum ótilgreindum framhaldsskóla.

Rík­is­sátta­semj­ari hefur boðað til fund­ar á þriðju­dag. Mæt­ir þá viðræðunefnd Kenn­ara­sam­bands­ins sem er skipuð for­mönn­um aðild­ar­fé­lag­anna sjö og for­manni KÍ, til fund­ar með samn­inga­nefnd­um sveit­ar­fé­laga og rík­is­ins.

Frétt af mbl.is

Verkföll samþykkt í átta skólum

Hvetur alla til að nálgast verkefnið af ábyrgð

Ásmundur segir að ábyrgð samningsaðila sé mikil og hvetur hann alla til þess að nálgast verkefnið þannig að hægt verði að afstýra verkföllunum.

Ertu bjartsýnn á að það takist að semja áður en verkföll hefjast?

„Það verður að höfða til ábyrgðar þeirra sem þarna eru. Eins og ég segi, þetta hefur mikil áhrif á stöðu barna þannig ég hvet alla samningsaðila til að nálgast verkefnið af ábyrgð,“ svarar hann.

Ásmundur Einar Daðason ræddi við mbl.is að ríkisstjórnarfundi loknum. mbl.is/Eggert Jóhannesson

Tengdar fréttir

Kjaraviðræður

Formaðurinn víkur vegna ágreinings

• Verkfall samþykkt á Ísafirði
• „Höfðum alveg greint þennan hug hjá okkur félögum“
• Næsti fundur KÍ og SÍS á þriðjudag
• Hafnarverkamenn hóta aðgerðum

» Fleiri tengdar fréttir

Skólakerfið í vanda

Starfsfólk vill að foreldrar setji skýrari reglur

• Gildandi námskrá of flókin og yfirgripsmikil
• Ráðherra segir þróunina raunverulegt áhyggjuefni
• „Það er ekki boðlegt að tala svona“
• „Hjákátlegt“ að lesa tillögurnar

» Fleiri tengdar fréttir

• Blogga um frétt