Verkfall samþykkt á Ísafirði
Setja bókamerki
Kennarar í Tónlistarskóla Ísafjarðar, sem eru í félagi kennarar og stjórnenda í tónlistarskólum, samþykktu að boða til verkfalls.
Verkfallið er boðað 29. október og var samþykkt með öllum greiddum atkvæðum en atkvæðagreiðslu lauk í dag klukkan 15. Kjörsókn var rúmlega 83%.
Fram kemur á vef Kennarasambands Íslands að verkföll hafi þá verið boðuð í níu skólum samtals. Verkföll eru áformuð 29. október í níu skólum; fjórum leikskólum, þremur grunnskólum, einum framhaldsskóla og einum tónlistarskóla, hafi samningar ekki náðst segir á vef sambandsins.
Þar segir enn fremur að ríkissáttasemjari hafi boðað til fundar á þriðjudag og mæti þá viðræðunefnd Kennarasambandsins sem er skipuð formönnum aðildarfélaganna sjö og formanni KÍ, til fundar með samninganefndum sveitarfélaga og ríkisins.
Kristrún Frostadóttir verður forsætisráðherra
Helgi Magnús mætir til starfa í dag
„Börn heima sem maður myndi vilja hafa í skjóli“
„Óviðunandi eftirlit með börnum“
Víkingar komnir yfir 800 milljónir í greiðslur
Bein útsending: Ríkisstjórnarsamstarfið kynnt
Nágrannaþjóðir upplýstar en við vöðum í blindni