„Ákaflega brýnt að það skapist vinnufriður“
Setja bókamerki
Sigurður Ingi Jóhannsson, formaður Framsóknarflokksins, segir ákaflega brýnt að það skapist vinnufriður í ríkisstjórn. Ef hinir stjórnarflokkarnir, Sjálfstæðisflokkur og Vinstri græn, treysti sér ekki til að standa við og vinna að stjórnarsáttmálanum verði það að koma fram á allra næstu sólarhringum.
Þingflokkur Sjálfstæðisflokksins fundaði um stöðu ríkisstjórnarinnar í Valhöll í gær. Mikil ólga hefur verið á stjórnarheimilinu. Tveir þingmenn Sjálfstæðisflokksins, Óli Björn Kárason og Jón Gunnarsson, hafa sagt erindi stjórnarinnar vera komið að þrotum vegna þess að Vinstri græn vilja ekki gera meira í útlendingamálum og orkumálum.
„Fjölmiðlar hafa mikið sóst eftir viðtölum í dag. Ég hef ekki svarað spurningum þar sem ég get ekki og vil ekki geta í hvað gerist á einstökum fundum samstarfsflokkanna. Það verður að spyrja forystufólk þeirra flokka um þeirra mál.
Það er hins vegar deginum ljósara að það er ákaflega brýnt að það skapist vinnufriður í ríkisstjórn. Ef hinir stjórnarflokkarnir treysta sér ekki til að standa við og vinna að stjórnarsáttmálanum verður það að koma fram á allra næstu sólarhringum,“ skrifar Sigurður Ingi á Facebook.
„Tímabil aukinnar eldvirkni“
Kristrún Frostadóttir verður forsætisráðherra
Beint: Hverjir verða í nýrri ríkisstjórn?
Stóðu skógarþjófa að verki
Helgi Magnús mætir til starfa í dag
Samfylking og Viðreisn gáfu loforð