„Óhætt að segja að við erum til í kosningabaráttuna“
Setja bókamerki
Sigmundur Davíð Gunnlaugsson, formaður Miðflokksins, segir Miðflokkinn vera tilbúinn í kosningar. Gera má ráð fyrir því stillt verði upp á lista flokksins um land allt.
„Ég held að það sé óhætt að segja að við erum til í kosningabaráttuna og að þetta hafi verið óhjákvæmileg niðurstaða úr því sem komið var,“ segir Sigmundur.
Ríkisstjórnarsamstarfi Sjálfstæðisflokks, Framsóknar og Vinstri grænna hefur verið slitið og kosningar verða haldnar 30. nóvember, að því gefnu að Halla Tómasdóttir, forseti Íslands, samþykki þingrofsbeiðni Bjarna.
Heildarlagfæringu þurfi á öllu kerfinu
Sigmundur segir að Miðflokkurinn muni leggja áherslu á útlendingamál, orkumál, stöðu efnahagsmála og að draga úr umsvifum ríkisins.
„En svo þarf bara heildarlagfæringu á öllu kerfinu hér, hvort sem það er menntakerfið eða heilbrigðiskerfið eða annað. Það þarf að láta þetta virka betur þannig að skattgreiðendur fái meira fyrir peningana sína,“ segir hann.
Hvernig mun Miðflokkurinn stilla upp listum í komandi kosningum?
„Það var ekki búið að taka ákvörðun um það, við vildum sjá til lands að einhverju leyti hvenær kosningar yrðu. En miðað við þennan skamma fyrirvara þá held ég að það sé líklegt að við og flestir allir flokkar förum í eitthvað form af uppstillingu,” segir Sigmundur.
Kemur í ljós í baráttunni og eftir kosningar
Er einhver sérstök ríkisstjórn sem þú vilt sjá að loknum kosningum?
„Ríkisstjórn sem er til í þær breytingar sem eru nauðsynlegar og það á eftir að koma í ljós í kosningabaráttunni og eftir kosningar hvaða flokkar eru til í það.“
Mikil aðsókn á lista Miðflokksins
Andstaða við áform um ferðaþjónustu
Gengur óttalaus til kjósenda
Áætla kostnað 5,3 milljarða
Fyndnasta sem ég veit er gömul kerling með veski!
„Gætu varpað jákvæðu ljósi á það að vera með ADHD“
Harris metin heilsuhraust og þrýstir á Trump