Misbrestur varð á neyðarmóttöku
Setja bókamerki
Misbrestur átti sér stað þegar konan sem kærði Albert Guðmundsson fótboltamann fyrir að brjóta á sér kynferðislega leitaði þjónustu á neyðarmóttöku fyrir þolendur kynferðisofbeldis á Landspítala, að sögn Anne Maríu Steinþórsdóttur verkefnastjóra neyðarmóttökunnar.
Konan leitaði til neyðarmóttöku Landspítala mánudaginn 26. júní 2023, en hún sakaði Albert um að hafa brotið á sér aðfaranótt sunnudagsins 25. júní. Þar var viðtal tekið við hana á biðstofunni og henni svo boðið að koma aftur daginn eftir.
Á þriðjudeginum var hringt í hana og henni boðið viðtal á miðvikudeginum. Ekki var framkvæmd líkamsskoðun á henni, heldur einungis tekið viðtal, þar sem hún hafði farið í sturtu.
Skortur á gögnum
Albert var sýknaður af ákærunni í síðustu viku og í dómi Héraðsdóms Reykjavíkur segir að ekki hafi verið hægt að komast að sekt eða sakleysi, meðal annars vegna þess að gögn skorti, þar með talið gögn úr líkamsskoðun.
„Það er ljóst að þarna varð misbrestur á þjónustu neyðarmóttökunnar. Ferlið okkar er með þeim hætti að fólk sem til okkar leitar fær samtal við hjúkrunarfræðing í einrúmi," segir Anne.
Lesa má meira um málið í Morgunblaðinu í dag.
Samfylking og Viðreisn gáfu loforð
Víkingar komnir yfir 800 milljónir í greiðslur
Þetta eru ráðherrar ríkisstjórnarinnar
Beint: Ný ríkisstjórn tekin við völdum
Skattamál verði líklega „þeirra mesta klemma“
„Börn heima sem maður myndi vilja hafa í skjóli“
Alvarleg netárás á Wise
„Mér finnst gamla Samfylkingin komin aftur“
