Svandís: „Algjört aukaatriði“ hvaða hugtak var notað
Setja bókamerki
Það er algjört aukaatriði að mati Svandísar Svavarsdóttur hvaða hugtak hún notaði þegar hún lýsti því yfir að hún væri til í að styðja „starfsstjórn“ undir forystu Sigurðar Inga Jóhannssonar, formanns Framsóknarflokksins.
Þetta kemur fram í samtali Svandísar við mbl.is.
Hafsteinn Þór Hauksson, dósent við lagadeild Háskóla Íslands, sagði í samtali við mbl.is fyrr í dag að þarna sé um hugtakarugling að ræða hjá Svandísi.
Með því að leggja til að formaður Framsóknar verði forsætisráðherra sé hún í raun að tala fyrir myndun nýrrar ríkisstjórnar sem fæli í sér aðra leið en myndun starfsstjórnar.
Reiðubúin að sjá Sigurð leiða „millibilsástand“
Nú hafa lögspekingar stigið fram og sagt að þarna sé einhver hugtakaruglingur í gangi. Það sé ekki hægt að skipt aum forsætisráðherra í starfsstjórn. Hvað útskýrir ummælin hjá þér, er þetta bara misskilningur hjá þér?
„Mér finnst þetta nú kannski ekki skipta öllu máli nákvæmlega hvort að ég er að tala um starfsstjórn eða bráðabirgðastjórn eða einhvers konar brú yfir í nýja ríkisstjórn eftir kosningar. Minnihlutastjórn eða hvað það væri,“ segir Svandís og heldur áfram:
„Það sem er kjarni málsins er það að ég lýsti því yfir að ég væri reiðubúin til þess að sjá Sigurð Inga leiða slíkt millibilsástand. Þannig það var nú það sem ég sagði og það er algjört aukaatriði í raun og veru hvaða hugtak er þar notað að mínu mati.“
„Þessi umræða er að baki“
En það væri þá væntanlega ný ríkisstjórn ef Sigurður Ingi myndi leiða. Er það eitthvað sem er í kortunum?
„Þessi umræða er að baki. Mér fannst mikilvægt að það væri hægt að fara yfir stöðuna og ræða hana og klára samtöl sem er alltaf mikilvægt að geti gerst undir þessum kringumstæðum. Að þau geti átt sér stað án þess að þau séu trufluð þannig það verður bara að hafa sinn gang. Annars ætla ég ekki að tjá mig frekar um þetta,“ segir Svandís.
Hvað er starfsstjórn?
Hafsteinn sagði að umræðan á undanförnum sólarhringum gæfi til kynna að fólk væri að rugla saman hugtökum á borð við þingrof og lausnarbeiðni forsætisráðherra.
Spurður um tillögu Svandísar, um að Sigurður yrði forsætisráðherra í starfsstjórn, sagði Hafsteinn að þarna væri ekki lengur verið að ræða um starfsstjórn heldur myndun nýrrar ríkisstjórnar.
„Þetta er einhver hugtakaruglingur,“ sagði Hafsteinn.
Lögregla sótti barn inn á klósett
Eiga Sigríðar Hagalín kost
Veggjöld eru ekki talin munu duga
Úr lífshættu eftir stunguárás
„Allt sem ég gerði var með hag WOW í huga“
Öruggur staður í heimilisleysinu
„Einar, er ekki bara best að hlusta á kennara!!!“
Veltur á því hvenær þingrof gengur í gegn