Framkvæmdastjórn Samfylkingar kom saman í gær og ákvað að fresta landsfundi sem til stóð að halda í Reykjavík 15. og 16. nóvember.
„Mat framkvæmdastjórnar er að það sé best fyrir flokkinn, framgang okkar stefnu og þar með fólkið í landinu. Á næstu vikum verðum við að verja öllum okkar kröftum í kosningabaráttu og vinna saman sigur í kosningunum,“ segir í tilkynningu.
Í staðinn verður landsfundurinn líklega haldinn í mars eða apríl á næsta ári.
Efnt verður til flokksstjórnarfundar fyrir komandi alþingiskosningar til þess að staðfesta framboðslista flokksins, eins og jafnan er gert.