Bæjarstjóri Hafnarfjarðar íhugar framboð
Setja bókamerki
Rósa Guðbjartsdóttir, bæjarstjóri Hafnarfjarðar, íhugar nú alvarlega að bjóða sig fram á lista Sjálfstæðisflokksins í Suðvesturkjördæmi. Ef hún tekur í gikkinn hyggst hún sækjast eftir sæti ofarlega.
Þetta segir Rósa í samtali við mbl.is en Vísir greindi fyrst frá.
„Ég þarf náttúrulega að taka ákvörðun hratt, núna á allra næstu dögum, því það er ekki mikill tími til stefnu,“ segir Rósa og bætir því við að hún hafi fengið mikla hvatning undanfarna mánuði um að gefa kost á sér í landsmálunum.
Eftir að kosningum var flýtt hefur hún fengið enn meiri hvatningu.
Nokkrir gætu sótt um sæti
Bjarni Benediktsson, Jón Gunnarsson, Bryndís Haraldsdóttir og Óli Björn Kárason eru þingmenn flokksins úr kjördæminu á núverandi þingi.
Eins og fram hefur komið er Þórdís Kolbrún Reykfjörð Gylfadóttir ein þeirra sem nefnd hefur verið í tengslum við framboð í kjördæminu.
„Ég er alvarlega íhuga það [framboð] og bý yfir mikilli reynslu sem væri hægt að nýta annars staðar og hef einlægan áhuga á að reyna hafa áhrif á samfélagið, segir Rósa sem hefur leitt lista Sjálfstæðisflokksins í Hafnarfirði í áratug.
Ekki búin að taka ákvörðun
Hún tekur fram að ákall sé um að flokkurinn eigi þingmann frá Hafnarfirði því það hafi ekki verið svoleiðis í langan tíma.
Hvaða sæti myndir þú sækjast eftir?
„Eitt af efstu sætunum,“ segir hún en ítrekar þó að hún sé ekki búin að taka ákvörðun um framboð.
„Uggandi yfir því að svona lagað geti gerst“
Möguleiki á kosningagosi
„Það eru einhverjir bófar þarna úti í mikilli fýlu“
Fjórir hinna eldri þingmanna gefa kost á sér á ný
„Fengum óvenju alvarlega bilun“
SÍS stefnir KÍ vegna verkfallsboðunar
Bubbi býr sig undir síðustu stóru tónleikana