Einn í haldi vegna stunguárásar í Grafarvogi
Setja bókamerki
Karlmaður á þrítugsaldri situr í gæsluvarðhaldi grunaður um að hafa stungið karlmann á fertugsaldri í Grafarvogi fyrir viku síðan.
Annar karlmaður var handtekinn vegna árásarinnar en hann var látinn laus að loknum yfirheyrslum, að sögn Eiríks Valbergs, fulltrúa í miðlægri rannsóknardeild lögreglunnar á höfuðborgarsvæðinu.
Hann segir manninn hafa verið úrskurðaðan í gæsluvarðhald á grundvelli rannsóknarhagsmuna og rennur það út á morgun. Ekki hefur verið ákveðið hvort óskað verður eftir áframhaldandi varðhaldi, að sögn Eiríks.
Með góða mynd af því sem gerðist
„Við erum með nokkuð góða mynd af því sem þarna gerðist en erum ekki tilbúin að fara út í málavexti,“ segir Eiríkur, spurður út í tildrög árásarinnar.
Samkvæmt heimildum mbl.is var árásin gerð í Foldahverfi.
Fram kom í tilkynningu lögreglunnar í síðustu viku að karlmaðurinn sem varð fyrir árásinni hefði hlotið lífshættulega stunguáverka á líkama. Hann var fluttur á bráðamóttöku þar sem gert var að sárum hans. Hann hefur nú verið útskrifaður af sjúkrahúsi, að sögn Eiríks.
Einn í haldi vegna stunguárásar í Grafarvogi
„Í fullkomnum rétti til að boða til verkfalla“
Ágætur samhljómur um að klára fjárlög
Ráðandi pólitísk öfl gáfust upp á verkefninu
Fjórir hinna eldri þingmanna gefa kost á sér á ný
Aðgangur að Grindavík verður óhindraður
Möguleiki á kosningagosi