„Ekki sem starfsstjórn heldur annars konar stjórn“
Setja bókamerki
Guðmundur Ingi Guðbrandsson, ráðherra Vinstri grænna, segir forsætisráðherra þurfa að svara fyrir hvernig ríkisstjórninni sé nú háttað.
„Ég skil þetta þannig að við séum ennþá starfandi,“ sagði Guðmundur við mbl.is er hann gekk inn til fundar ríkisstjórnar við Hverfisgötu núna kl. 16 síðdegis.
Kvaðst hann hafa skilið það sem svo að til þessa fundar hefði verið boðað, „eins og ég skil það – ekki sem starfstjórn heldur annars konar stjórn“, sagði Guðmundur.
„En forsætisráðherra verður að svara fyrir þetta.“
Yrðu almennir þingmenn frá og með deginum í dag
Halla Tómasdóttir, forseti Íslands, varð í gær við lausnarbeiðni Bjarna Benediktssonar forsætisráðherra og skipaði í kjölfarið starfsstjórn.
Svandís Svavarsdóttir, formaður VG, lýsti því yfir strax í kjölfarið að þingflokkur VG myndi ekki taka þátt í starfsstjórninni og ráðherrar flokksins yrðu frá og með deginum í dag almennir þingmenn.
Ráðherrarnir þrír, Svandís, Guðmundur og Bjarkey Olsen, mættu þó til fundarins. Forseti hefur heldur ekki enn leyst þau úr embætti.
Einn aðstoðarmanna ríkisstjórnarinnar hefur upplýst fjölmiðla um að ráðherrarnir þrír muni ekki gefa kost á viðtölum að fundinum loknum.
Stóru sprungurnar hættulegastar: Vantar súrefni
Greip til dúkahnífs til að verjast einelti
Möguleiki á kosningagosi
12 milljónir í snaga en bókakaup skorin niður
„Í fullkomnum rétti til að boða til verkfalla“
SÍS stefnir KÍ vegna verkfallsboðunar