Guðmundur Ingi Guðbrandsson, varaformaður Vinstri grænna og fyrrverandi félags- og vinnumarkaðsráðherra frá og með deginum í dag, verður ekki meðal þeirra sem ávarpa þing ASÍ sem hefst núna klukkan 10 í dag.

Guðmundur átti samkvæmt dagskrá að ávarpa þingið sem ráðherra málaflokksins, en í ljósi þeirrar stöðu sem er uppi er hann nú dottinn af dagskrá þingsins samkvæmt uppfærðri dagskrá.

Frétt af mbl.is

Rýfur þing og boðar til kosninga

Í gær féllst Halla Tómasdóttir, forseti Íslands, á lausnarbeiðni Bjarna Benediktssonar forsætisráðherra fyrir sig og ríkisstjórn sína. Hún óskaði þó eftir að ríkisstjórnin myndi sitja áfram, en boðað verður til kosninga sem haldnar verða 30. nóvember. 

Beint í kjölfarið upplýsti Svandís Svavarsdóttir, formaður Vinstri grænna um að þingmenn flokksins myndu ekki taka þátt í starfsstjórninni. Þá yrðu ráðherrar VG frá og með deginum í dag almennir þingmenn, en í tíu fréttum RÚV mátti meðal annars sjá Svandísi klára að pakka niður á skrifstofu sinni í ráðuneytinu í gær.

Frétt af mbl.is

Svandís útilokar þátttöku VG í starfsstjórn

Finn­björn A. Her­manns­son, for­seti ASÍ, mun flytja opnunarerindi á fundinum í dag. mbl.is/Eggert Jóhannesson

Önnur dagskrá þingsins er þó óbreytt, en auk ávarpa frá Finnbirni A. Hermannssyni, forseta ASÍ, og Sonju Ýr Þorbergsdóttur, formanni BSRB, verða þar meðal annars Guðlaugur Þór Þórðarson, umhverfis- orku og loftlagsráðherra, og Kristrún Frostadóttir, formaður Samfylkingarinnar. Munu þau vera í pallborði um orkumál.

Þá verður einnig Halla Hrund Logadóttir, orkumálastjóri og fyrrverandi forsetaframbjóðandi, í umræddu pallborði um orkumál, auk erlendra fyrirlesara sem munu ræða um auðlindamál og samkeppnismál.

Tengdar fréttir

Alþingiskosningar 2024

Yfir 14 þúsund manns kosið utan kjörfundar

• Varaþingmaður segir sig úr Miðflokknum
• Sjálfstæðisflokkurinn mun stærri hjá Gallup
• Svarar Sigurði: „Nýjustu ýkjur úr Suðurkjördæmi“
• Ætlar að gera dagatal eins og slökkviðsliðsmennirnir

» Fleiri tengdar fréttir

• Blogga um frétt