Kynlífstækin geta oft gleymst

Ekki er annað að sjá en lesendur hafi tekið vel í auglýsingar Sorpu og kynlífstækjaverslunarinnar Blush í Morgunblaðinu á mánudag, þar sem minnt er á mikilvægi þess að fara með gömul kynlífstæki í endurvinnslu.

Gunnar Dofri Ólafsson samskiptastjóri Sorpu segir að vel á níunda hundrað hafi tekið þátt í flokkunarleiknum á vefnum sama dag og auglýsingarnar birtust, en mánudagurinn var líka alþjóðlegi rafruslsdagurinn.