Þétt þoka liggur nú yfir höfuðborgarsvæðinu.
Teitur Arason, veðurfræðingur á Veðurstofu Íslands, segir að rakt loft sem hafi strandað sé orsök hennar.
Hann segir að þokan hafi verið viðloðandi á höfuðborgarsvæðinu frá því í nótt og verði kannski eitthvað fram eftir morgni. Hann bendir þó á að það sé gott skyggni í Keflavík.
„Það er mjög rólegt veður á landinu og það vantar einhvern vind til að ýta þessu í burtu,“ segir Teitur við mbl.is.
Hann segir að veðurútlitið fyrir það sem eftir er af vikunni sé alveg þokkalegt. Það verði hægur vindur á landinu í dag og á morgun en á föstudaginn komi austanátt með rigningu og ákveðnari vindi.