Enn ber mikið í milli í kjaradeilu Kennarasambands Íslands (KÍ) og Sambands íslenskra sveitarfélaga. Fundað var í gær og í dag og boðað hefur verið til nýs fundar klukkan 9 í fyrramálið.

Formaður KÍ segir það útspil SÍS að stefna KÍ fyrir félagsdóm vegna verkfallsboðunar, samtalinu í kjaraviðræðunum ekki til framdráttar. Fólk sé þó að tala saman og henda á milli sín hugmyndum.

„Svona vinnufundir ganga út það að fólk er að kasta á milli sín hugmyndum sem vonandi færa fólk nær markmiðinu. Þetta er ennþá stutt á veg komið en fólk er að tala saman sem er ávísun á að fólk nálgist en það er mikið sem ber í milli ennþá,“ segir Magnús Þór Jónsson, formaður KÍ, í samtali við mbl.is.

Frétt af mbl.is

SÍS stefnir KÍ vegna verkfallsboðunar

Hafi farið að öllum reglum

Greint var frá því í morgun að SÍS hefði stefnt KÍ fyrir félagsdóm vegna verkfallsboðunar, en Magnús segir það eina leið til að „henda sandi inn í tann­hjól verk­efn­is­ins.“

Hann hefur þó ekki áhyggj­ur af því að niðurstaða fé­lags­dóms verði SÍS í vil, enda hafi KÍ farið að öll­um regl­um sem um verk­föll.

Kenn­ar­ar eru nú samn­ings­laus­ir og hafa samþykkt verk­fall í alls níu skól­um: fjór­um leik­skól­um, þrem­ur grunn­skól­um, ein­um fram­halds­skóla og ein­um tón­list­ar­skóla. Þá er í skoðun að boða til at­kvæðagreiðslu um verk­fall í ein­um fram­halds­skóla til viðbót­ar. Boðaðar verkfallsaðgerðir eiga að hefjast þann 29. október næstkomandi.

Frétt af mbl.is

„Í fullkomnum rétti til að boða til verkfalla“

Verkefnið legið fyrir síðan 2016

Aðspurður hvort hann telji að ummæli Einars Þorsteinssonar borgarstjóra á fjármálaráðstefnu sveitarfélaganna í síðustu viku komi til með að hafa áhrif á kjaraviðræðurnar, svarar hann neitandi. Ummælin hafi þó vissulega ekki verið hjálpleg.

„Verkefnið hefur legið ljóst fyrir í okkar huga í rauninni síðan 2016, við þurfum að jafna laun okkar háskólamenntuðu sérfræðinga við laun almennra sérfræðinga úti á vinnumarkaðnum. Við viljum að það verði fjárfest í kennurum, efla fagmennsku og stöðugleika. Svona ummæli hjálpa ekki á þeirri vegferð en það hefur ekki áhrif á samningsgerðina. Við erum í öðru samtali þar,“ útskýrir Magnús.

Frétt af mbl.is

Segir kennara hafa sagt upp vegna orða Einars

Sýnir hvað ástandið er viðkvæmt

Ummæli Einars féllu vægast sagt í grýttan jarðveg hjá kennurum og formaður Kennarafélags Reykjavíkur sagði í samtali við mbl.is í gær að margir kennarar hefðu sagt upp vegna þeirra. Þá væru enn fleiri að íhuga stöðu sína. Minnst 200 kennarar komu saman við Ráðhús Reykjavíkur í gær til að mótmæla orðum Einars og hvöttu hann til að hlusta á kröfur kennara.

„Mér finnst ein­hvern veg­inn öll „statistic“ bara um skól­ana okk­ar benda til þess að við séum að gera eitt­hvað al­gjör­lega vit­laust. Að kenn­ar­arn­ir séu að biðja um það að fá að vera minna með börn­um en eru samt veik­ari en nokkru sinni fyrr og kenna minna og fleiri ein­hverj­ir und­ir­bún­ings­tím­ar,“ voru orð Ein­ars sem fóru öf­ugt ofan í kenn­ara.

Magnús segir ummælin hafa verið óheppileg og að þau hafi vonandi verið sett fram af vanþekkingu, en hann skorar á borgarstjóra að biðjast afsökunar á þeim.

„Ég held að viðbrögð kennara sýni bara hvað ástandið viðkvæmt í okkar hópi, það er bara þannig sem það er og birtingarmynd þess hefur komið fram síðustu daga.“

Tengdar fréttir

Kjaraviðræður

Boða verkföll í fjórum skólum til viðbótar

• Börn hafi engan rétt á leikskólakennslu
• „Það er bara góð vinna í gangi“
• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ

» Fleiri tengdar fréttir

• Blogga um frétt