Eva Pandora Baldursdóttir, fyrrverandi þingmaður Pírata, er gengin úr Pírötum og hefur ákveðið að ganga til liðs við Viðreisn. Hún hyggst þó ekki gefa kost á sér á lista fyrir komandi þingkosningar.

Þetta kemur fram í facebook-færslu hennar.

„Eftir mikla umhugsun hef ég ákveðið að ganga til liðs við Viðreisn. Þessi ákvörðun var hvorki auðveld né léttvæg, en ég tel hana nauðsynlega til að halda áfram að berjast fyrir þeim málefnum sem ég brenn fyrir,“ skrifar hún.

Segir mikið um Pírata

Hún segir að þegar hún hafi ákveðið að hefja þátttöku í stjórnmálum árið 2016 hafi valið staðið á milli Pírata og Viðreisnar en að Píratar hafi orðið fyrir valinu.

„Ég er óendanlega þakklát fyrir öll þau tækifæri sem ég hef fengið hjá Pírötum, og ekki síður fyrir allt það frábæra fólk sem ég hef kynnst þar.

Það segir kannski mikið um Pírata að þegar ég sagði vinum mínum í þingflokki Pírata frá þessum pælingum mínum fyrir nokkru síðan og svo þegar ég tilkynnti þeim um mína lokaákvörðun þá sýndu þau mér mikinn skilning og hvöttu mig til að fylgja hjartanu,“ skrifar hún.

Tengdar fréttir

Alþingiskosningar 2024

Eyjamaður skellir sér í framboð

• Líneik Anna gefur ekki kost á sér
• Vilhjálmur í framboð
• G. Sigríður gefur kost á sér: „Áfram gakk stelpa“
• Svandís þakkar Bjarna fyrir samstarfið

» Fleiri tengdar fréttir

• Blogga um frétt