Starfsstjórn Sjálfstæðisflokks og Framsóknar hefur tekið við völdum í landinu.

Þetta er ljóst eftir að fundi ríkisráðs lauk á Bessastöðum í kvöld, þeim fyrsta sem Halla Tómasdóttir forseti stýrði.

Staðfesti forseti þar lausnarbeiðni þriggja ráðherra Vinstri grænna.

Bjarni fer með þrjú ráðuneyti

Þá var undirritaður forsetaúrskurður um breytingar á skiptingu starfa í ráðuneyti Bjarna Benediktssonar, sem situr nú sem starfsstjórn þar til ný ríkisstjórn verður mynduð.

Eins og greint var frá í gær er Bjarni með þessu orðinn mat­væla-, fé­lags- og vinnu­markaðsráðherra, til viðbót­ar við embætti for­sæt­is­ráðherra sem hann gegn­ir þegar.

Sig­urður Ingi Jóhannsson er nú innviðaráðherra en hann var þegar ráðherra fjár­mála.