Fylgi Vinstri­hreyf­ing­ar­inn­ar græns fram­boðs er í frjálsu falli. Flokk­ur­inn mæl­ist með 2,2%. Þetta sýn­ir ný könn­un Pró­sents sem unn­in er fyr­ir Morg­un­blaðið og mbl.is.

Þetta kem­ur fram í nýj­asta þætti Spurs­mála á mbl.is. Þar fer Andrés Magnús­son, full­trúi rit­stjóra á Morg­un­blaðinu, yfir þess­ar nýj­ustu mæl­ing­ar og hvað skýra kunni þær breyt­ing­ar sem virðast birt­ast á fylgi flokk­anna í öllu því gjörn­inga­veðri sem nú geng­ur yfir stjórn­mála­sviðið í land­inu.

Sjálf­stæðis­flokk­ur­inn bæt­ir við sig

Í sömu könn­un má sjá að fylgi Sjálf­stæðis­flokks­ins mæl­ist nú 15,6%.

Er flokk­ur­inn með þessu næst­stærsti flokk­ur lands­ins, leiðir með sjón­ar­mun gagn­vart Miðflokki sem mæl­ist með 15,1%. Tekið skal fram að mun­ur­inn milli flokk­anna er vel inn­an skekkju­marka.

Sem fyrr er Sam­fylk­ing­in stærsti flokk­ur lands­ins. Mæl­ist stuðning­ur við hana 24,8%.

Pírat­ar, Viðreisn og Jón Gn­arr

Pírat­ar virðast hafa lent í tals­verðum mót­byr og mæl­ast nú með 6,1% fylgi. Velta má vöng­um yfir því hvað veld­ur slöku gengi flokks­ins en að und­an­förnu hafa mikl­ar inn­an­tök­ur verið í flokks­starfi Pírata og hver hönd­in risið mót ann­arri.

Þá nefn­ir Andrés í Spurs­mál­um að það kunni að hafa haft áhrif að Jón Gn­arr til­kynnti fyr­ir skemmstu aðh ann hygðist bjóða sig fram hjá Viðreisn en töl­urn­ar nú sýna að sá flokk­ur mæl­ist með ríf­lega 14% fylgi.

Fram­sókn­ar­flokk­ur­inn mæl­ist með svipað fylgi og Pírat­ar eða 6,2%. Flokk­ur fólks­ins er með 10,8% fylgi. Sósí­al­ist­ar mæl­ast enn und­ir 5% og eru með 4,2%. Lýðræðis­flokk­ur Arn­ars Þórs Jóns­son­ar sæk­ir 0,9% stuðning sam­kvæmt þess­ari sömu könn­un.

Svandís Svavars­dótt­ir, formaður Vinstri grænna. mbl.is/​Há­kon

Tengd­ar frétt­ir

Spurs­mál

Stefna á kerfi með rík­is­styrktri fisk­vinnslu

• Jón Gunn­ar tek­ur sæti í stjórn raf­eyr­is­fyr­ir­tæk­is
• Guðrún Haf­steins í ljós­um log­um á Ak­ur­eyri
• #71. - Syk­urpabbi kem­ur út úr skápn­um og ráðherr­ar sakaðir um ósann­indi
• Af­slátt­ur bank­ans til Ásthild­ar Lóu skatt­skyld­ur

» Fleiri tengd­ar frétt­ir

Alþing­is­kosn­ing­ar 2024

Kosn­ing­arn­ar standa

• Þórður Snær mun ekki þiggja biðlaun
• Anna Rut, Svein­björn og Anna Sigrún ráðin
• Seg­ir ekk­ert um sam­töl við Dag
• Styrk­veit­ing í trássi við lög

» Fleiri tengd­ar frétt­ir

• 3 blogg um frétt­ina

Bloggað um frétt­ina

• Geir Ágústs­son: Sam­starfs­mögu­leik­ar
• Torfi Kristján Stef­áns­son: Sjald­an lýg­ur Mogg­inn!
• Ingólf­ur Sig­urðsson: Margt bend­ir til þess að Vinstri græn­ir endi sem Tit­anic, …