Magnea sækist eftir 3. sæti í Reykjavík
Setja bókamerki
Magnea Marinósdóttir, alþjóðastjórnmálafræðingur og sérfræðingur í jafnréttismálum, sækist eftir þriðja sæti á lista Samfylkingarinnar í öðru hvoru Reykjavíkurkjördæmanna í komandi Alþingiskosningum.
Magnea lagði stund á stjórnmálafræði við Háskóla Íslands og Kaupmannahafnarháskóla. Í framhaldinu fór hún í meistaranám í alþjóðastjórnmálum í Bandaríkjunum með sérhæfingu í greiningu átaka og friðarlausnum, að segir í tilkynningu frá henni.
Hún hefur í gegnum árin unnið að margvíslegum störfum m.a. innan íslenska stjórnkerfisins, á vegum félagasamtaka og á alþjóðavettvangi fyrir mismunandi stofnanir og samtök við krefjandi verkefni og aðstæður eins og í Tansaníu, Afganistan, Bosníu og Hersegóvínu, Kósóvó, á hernumdu svæðunum Palestínu og Ísrael. Hún hefur jafnframt starfað hjá Alþjóðaráði Rauða krossins í Genf.
Magnea gekk til liðs við Samband ungra jafnaðarmanna innan Alþýðuflokksins og var virk í þeirra starfi og hefur verið félagi í Samfylkingunni frá stofnun. Undanfarið hefur Magnea setið í stjórn Samfylkingarfélagsins í Reykjavík og verið í forsvari fyrir málefnahóp flokksins um stjórnarfar og mannréttindi.
Borgarstjórinn baðst afsökunar
„Skelfileg hungursneyð“ á Gasa
Vistmaður og starfsmaður á bráðamóttöku
Forsetaframbjóðendur flykkjast í framboð
Þingmennirnir vilja halda sæti sínu
Kennarar í MR samþykkja verkfall
Fá að koma með báða makana á árshátíðir