Ráðgjöfin kostaði 1,7 milljónir króna
Setja bókamerki
Alls voru settir upp 678 snagar fyrir 420 nemendur Álftamýrarskóla. Ráðgjöf vegna framkvæmdanna kostaði 1,7 milljónir króna, eða jafnmikið og það kostaði að kaupa snagana sjálfa.
Þetta kemur fram í svörum borgaryfirvalda við fyrirspurn ríkisútvarpsins.
Þegar hefur mbl.is greint frá því að kostnaður við snagana og uppsetningu þeirra hafi numið um 12 milljónum króna.
Í svörunum er tekið fram að inni í þeim kostnaði séu einnig nýjar skóhillur, timbrið sem snagarnir eru settir upp á, og svo ráðgjöf vegna alls þessa.
Snagarnir einir og sér kostuðu 1,7 milljónir króna
Í svörum borgarinnar segir að af þeirri upphæð hafi snagarnir sjálfir, sem eru hönnunarsnagar af dýrari gerðinni frá danska hönnunarhúsinu Muuto, kostað 1,7 milljónir króna. Þeir hafi verið 678 talsins.
Málið vakti mikla athygli eftir umfjöllun mbl.is fyrr í vikunni.
Hildur Björnsdóttir, oddviti Sjálfstæðisflokksins í borginni, setti fjárhæðina í samhengi og sagði útgjöldin skjóta skökku við á sama tíma og borgin hefði skorið niður bókakaup skólabókasafna um tíu milljónir króna.
Efniskostnaður tæplega sjö milljónir króna
Í svörum borgarinnar nú segir að snagarnir séu hluti af umfangsmiklum viðgerðum á skólanum. Snagar og skóhillur fyrir allan skólann hafi verið endurnýjaðar og þeim fjölgað vegna fjölda nemenda.
Tekið er fram að efniskostnaður fyrir bekki, skóhirslur undir bekkjum og veggjahlífar hafi verið mestur, en um er að ræða rúmlega 77 metra langt svæði.
Kostnaður við að þekja það rými hafi numið tæplega sjö milljónum króna.
Vinna við uppsetningu hafi þá kostað 1,3 milljónir króna og kostnaður við ráðgjöf numið 1,7 milljónum króna.
Samanlagður kostnaður við framkvæmdirnar hafi loks verið 11,9 milljónir króna. Ekki kemur fram í umfjöllun ríkisútvarpsins af hverju samtalan sé um 200 þúsund krónum meiri en sá niðurskipti kostnaður sem gefinn er upp.
„Tímabil aukinnar eldvirkni“
Lát hjóna í Neskaupstað: Ákæra gefin út
Stormur á Þorláksmessu en víðast hvar stefnir í hvít jól
Víkingar komnir yfir 800 milljónir í greiðslur
Forstjóri bendir á ábyrgð birgja vegna verðhækkana
„Þetta er ríkisstjórn almannahagsmuna“
Bjarni: „Útilokað að þetta geti gengið upp“
Samfylking og Viðreisn gáfu loforð
