Rann­sókn á andláti hinnar tíu ára gömlu Kolfinnu Eldeyju Sigurðardóttur sem fannst látin við Krýsuvíkurveg þann 15. september síðastliðinn miðar vel.

Þetta segir Elín Agnes Kristínardóttir, hjá miðlægri rannsóknardeild lögreglunnar, við mbl.is. Gæsluvarðhald yfir manninum, sem grunaður er um að hafa banað dóttur sinni og er sá eini sem hefur stöðu sakbornings, átti að renna út í dag en það hefur verið framlengt til 14. nóvember.

Hann var handtekinn við Krýsuvíkurveginn daginn sem lík dóttur hans fannst og hefur nú setið í gæsluvarðhaldi í fimm vikur.

Frétt af mbl.is

Lögregla ekki komin með niðurstöðu úr geðmati

„Rannsókninni miðar vel en svona mál eru alltaf umfangsmikil,“ segir Elín Agnes. 

Lögreglan óskaði eftir myndefni frá vegfarendum sem óku um Krýsuvíkurveg umræddan dag og segir Elín að myndefnið hafi verið skoðað með tilliti til þess hvort það geti komið að notum við rannsókn málsins eða ekki.

Frétt af mbl.is

Engu um að kenna nema handónýtu kerfi

Maðurinn hefur gengist undir geðmat og segir Elín að það sé einn hluti sem er gerður í slíkum málum.

Tengdar fréttir

Manndráp við Krýsuvíkurveg

Lögregla ekki komin með niðurstöðu úr geðmati

• Engu um að kenna nema handónýtu kerfi
• „Komin þokkaleg mynd af því sem gerðist“
• Segir línur málsins skýrast með hverjum degi
• Gæsluvarðhald yfir föðurnum framlengt

» Fleiri tengdar fréttir

• Blogga um frétt