Ragnar Þór tekur oddvitasæti
Setja bókamerki
Ragnar Þór Ingólfsson, formaður VR, mun leiða lista Flokks fólksins í öðru hvoru Reykjavíkurkjördæminu.
Þetta staðfesti Inga Sæland, formaður flokksins, í samtali við mbl.is.
Ríkisútvarpið greindi fyrst frá en í umfjöllun miðilsins segir að Ragnar Þór komi í stað Tómasar A. Tómassonar, þingmanns Flokks fólksins, sem fái ekki sæti á lista.
Inga segir ekki liggja fyrir hvort Tómas verði á lista enda sé ekki búið að stilla upp öllum framboðslistum. Hann muni þó ekki leiða kjördæmi. Aðeins sé búið að ákveða hverjir muni skipa oddvitasætin. Það verði tilkynnt síðar í dag eða á morgun.
Inga segir þó oddvitana hafa mikið um það að segja hvernig listunum í þeirra kjördæmi verði raðað upp.
Tómas er aldursforseti á Alþingi. Í samtali við Morgunblaðið í síðustu viku sagðist hann sjaldan hafa verið betri og væri til í að sitja lengur á þingi.
Óttast að fólk fari aftur að eyða peningum
Erlendir miðlar greina frá tíunda gosinu
Þórarinn: Tafir á höfuðborgarsvæðinu ekki minni
Einar skorar á næstu ríkisstjórn
Hraun fór yfir Grindavíkurveg
Hvað gerðist eiginlega í VMA?