Sigurjón leiðir Flokk fólksins í Norðaustur
Setja bókamerki
Sigurjón Þórðarson, varaþingmaður Flokks fólksins í Norðvesturkjördæmi, verður nýr oddviti flokksins í Norðausturkjördæmi. Þetta kemur fram í tilkynningu frá flokknum. Þá er staðfest að Ragnar Þór Ingólfsson, formaður VR, verði oddviti flokksins í Reykjavíkurkjördæmi norður.
Áður hafði verið greint frá því að Jakob Frímann Magnússon, sem var oddviti flokksins í Norðausturkjördæmi í síðustu kosningum og hefur verið þingmaður flokksins síðasta kjörtímabil, myndi ekki halda oddvitasæti sínu.
Oddvitar flokksins verða því eftirfarandi:
- Inga Sæland, formaður Flokks fólksins, er oddviti í Reykjavíkurkjördæmi suður
- Ragnar Þór Ingólfsson, formaður VR, er oddviti í Reykjavíkurkjördæmi norður
- Guðmundur Ingi Kristinsson, varaformaður Flokks fólksins, er oddviti í Suðvesturkjördæmi
- Ásthildur Lóa Þórsdóttir þingmaður er oddviti í Suðurkjördæmi
- Eyjólfur Ármannsson þingmaður er oddviti í Norðvesturkjördæmi
- Sigurjón Þórðarson varaþingmaður er oddviti í Norðausturkjördæmi
Í tilkynningunni kemur fram að Sigurjón sé menntaður líffræðingur með próf í opinberri stjórnsýslu, skiptstjóraréttindi og A-réttindanám í vélstjórn. Þá sat hann á þingi fyrir Frjálslynda flokkinn frá 2003 til 2007.
Ragnar Þór hefur verið formaður VR síðan 2017. Hann sat í stjórn VR frá 2009 og hefur einnig verið varaformaður ASÍ.
Spurningar vakna um getu stjórnvalda
Götulokanir og vopnuð lögregla í næstu viku
24 milljarða hækkun
„Rarik seldi vöru og sú vara er ónýt“
/frimg/1/51/96/1519620.jpg)
Menendez-bræður gætu losnað úr fangelsi
Dagur og Þórður skella sér í landsmálin
/frimg/1/52/43/1524368.jpg)
Lærði norska málfræði á hálftíma
Sanna: Skoða þurfi barnagíslatöku í samhengi