Á fundi Læknafélags Íslands í gærkvöldi var skorað á stjórn og samninganefnd félagsins um að undirbúa verkfallsboðun ef ekki semst í kjaradeilu við ríkið á næstu dögum.

RÚV greinir frá þessu en Steinunn Þórðardóttir, formaður Læknafélagsins, segir að á fundinum hafi fundarmenn rætt um það að boða til verkfalls ef ekki semst á næstu dögum. 

„Fólki finnst bara að þolinmæðin sem við höfum sýnt sé á þrotum og að það verði að fara að knýja fram einhvers konar svör frá ríkinu,“ segir Steinunn.

Frétt af mbl.is

Vonar að læknar komist hjá verkfallsaðgerðum

Kjaradeilunni var vísað til ríkissáttasemjara í mars en samningar hafa ekki enn náðst.

Steinunn sagði í samtali við mbl.is í ágúst að viðræður hefðu verið hjá ríkissáttasemjara frá því í byrjun apríl og að samtalið hefði verið virkt og mikið fundað. Þegar hún var spurð hverjir færu í verkfall, kæmi til verkfalls á annað borð, sagði hún að það yrðu læknar í opinbera geiranum en hvorki sjálfstætt starfandi læknar og stofur, né einkareknar heilsugæslustöðvar.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• Blogga um frétt