Erlendur ferðamaður á níræðisaldri lést eftir að hafa misst meðvitund í Bláa lóninu í kvöld.
Þetta kemur fram í tilkynningu frá Bláa lóninu.
Viðbragðsaðilar voru kallaðir út á sjöunda tímanum í kvöld.
Endurlífgunartilraunir hófust strax á vettvangi en maðurinn var úrskurðaður látinn um klukkustund síðar.
Í tilkynningunni segir að lögreglan hafi málið undir höndum og muni leitast við að hafa uppi á aðstandendum.