Lokanir á Þingvöllum
Setja bókamerki
/frimg/1/52/52/1525230.jpg)
Vegna fundar forsætisráðherra Norðurlandanna verða verulegar takmarkanir á umferð ökutækja og hjólandi vegfarenda um Þingvelli á mánudag. Þá verður öll umferð gangandi vegfarenda bönnuð.
Í tilkynningu frá lögreglunni segir fundurinn sé haldinn í tengslum við Norðurlandaráðsþing sem verður haldið í næstu viku.
„Það verður heimilt að aka til austurs um Þingvallaveg en lokað verður fyrir umferð til vesturs frá gatnamótum Þingvallavegar/Lyngdalsheiðar að gatnamótum Þingvallavegar/Grafningsvegar.
Allri umferð til vesturs um Lyngdalsheiði frá Laugarvatni verður beint til suðurs við áðurnefnd gatnamót og niður á Biskupstungnabraut,“ segir í tilkynningunni.
Þjónustumiðstöð á Leirum verður opin en Vallavegur frá þjónustumiðstöð verður lokaður. Öll umferð um Þinghelgi verður óheimil, auk þess sem aðkoma að Haki og Silfru verða lokuð.
Lokanir taka gildi klukkan 7 á mánudagsmorgun og gilda til miðnættis.
Búa sig undir árásir næstu daga
Forseti Alþingis kveður þingið
Jón Pétur í þriðja sæti hjá Sjálfstæðisflokki
Selenskí kemur til Íslands
Bjarni til liðs við Græningja
Sólheimajökulsmálið: „Voða mikið bull“
„Ferlegt að fá ekki meira frá tönninni“
Birgir spenntur fyrir nýjum kafla