Grímur Grímsson, yf­ir­lög­regluþjónn á rann­sókn­ar­sviði lög­regl­unn­ar á höfuðborg­ar­svæðinu, verður í 3. sæti á lista Viðreisnar í Reykjavíkurkjördæmi norður. 

Þetta kemur fram í tilkynningu frá Viðreisn. 

Hanna Katrín Friðriksson, þingflokksformaður Viðreisnar, leiðir listann og í 2. sæti er Pawel Bartoszek, stærðfræðingur. Í 4. sæti er Katrín Sigríður Júlíu Steingrímsdóttir, klínískur barnasálfræðingur.

Framboðslistar Viðreisnar í Reykjavík fyrir komandi alþingiskosningar voru samþykktir á fundi svæðisráðs flokksins fyrr í kvöld.

Hanna í skýjunum

Í tilkynningunni er haft eftir Hönnu Katrínu að hún sé fyrst og fremst þakklát fyrir það mikla traust sem henni er sýnt.

„Svo er ég algjörlega í skýjunum með þennan sterka og fjölbreytta lista sem við erum að tefla fram. Það verður óhemju gaman að fara inn í þessa kosningabaráttu með öllu þessu frábæra fólki.

Viðreisn hefur nýtt tímann vel undanfarin ár. Við höfum hlustað á fólkið og erum, í þeim anda, að setja fram lausnir sem fólk hefur kallað eftir úti í samfélaginu um árabil. Ég gæti ekki verið spenntari fyrir komandi vikum. Við hreinlega iðum í skinninu,“ er haft eftir oddvitanum í tilkynningunni. 

Framboðslisti Viðreisnar í Reykjavíkurkjördæmi norður í heild sinni:

1. Hanna Katrín Friðriksson, alþingismaður
2. Pawel Bartoszek, stærðfræðingur
3. Grímur Grímsson, yfirlögregluþjónn
4. Katrín Sigríður Júlíu Steingrímsdóttir, klínískur barnasálfræðingur
5. Pétur Björgvin Sveinsson, markaðssérfræðingur
6. Eva Pandora Baldursdóttir, verkefnastjóri stjórnsýslumála
7. Oddgeir Páll Georgsson, hugbúnaðarverkfræðingur
8. Sigríður Lára Einarsdóttir, rekstrarstjóri
9. Hákon Skúlason, framkvæmdastjóri
10. Noorina Khalikyar, læknir
11. Einar Karl Friðriksson, efnafræðingur
12. Oddný Arnarsdóttir, verkefnastjóri
13. Natan Kolbeinsson, sölumaður
14. Berglind Guðmundsdóttir, hjúkrunarfræðingur
15. Sverrir Örn Kaaber, fyrrverandi skrifstofustjóri
16. Sólborg Guðbrandsdóttir, framleiðandi
17. Jóhann Karl Ásgeirsson Gígja, meðferðarráðgjafi
18. Ásthildur Gunnarsdóttir, forstöðumaður samskiptasviðs HR
19. Sigurjón Njarðarson, lögfræðingur
20. Drífa Sigurðardóttir, ráðgjafi og fyrirtækjaeigandi
21. Jón Steindór Valdimarsson, fyrrverandi alþingismaður
22. Þórdís Lóa Þórhallsdóttir, borgarfulltrúi

Tengdar fréttir

Alþingiskosningar 2024

Gáttuð á hegðun Kristrúnar gagnvart Degi

• Kveðjum rignir yfir Birgi
• Skilaboðin í heild sinni: Dagur „aukaleikari“
• „Þá liggur beinast við að strika hann út“
• Forseti Alþingis kveður þingið

» Fleiri tengdar fréttir

• Blogga um frétt