Arnar Þór Jónsson, stofnandi Lýðræðisflokksins, hefur kynnt til leiks þá einstaklinga sem skipa þrjú efstu sætin í öllum kjördæmum fyrir þingkosningarnar sem fara fram laugardaginn 30. nóvember næstkomandi.

„Lýðræðisflokkurinn, nýtt stjórnmálaafl sem leggur áherslu á beint lýðræði og frelsi einstaklinga, kynnir með stolti efstu þrjá frambjóðendur sína í hverju kjördæmi fyrir komandi Alþingiskosningar. Þessir frambjóðendur hafa það að leiðarljósi að vernda hagsmuni almennings gagnvart valdakerfinu, með megináherslu á að endurvekja sjálfsákvörðunarrétt, dreifingu valds og íslenskt fullveldi,“ segir í tilkynningu frá Lýðræðisflokknum.

Frétt af mbl.is

Kynnir einkennismerki Lýðræðisflokksins

Þar segir enn fremur að Lýðræðisflokkurinn hafi verið stofnaður með það markmið að auka einstaklingsfrelsi og draga úr miðstýringu ríkisvaldsins. Flokkurinn leggur áherslu á að tryggja borgurum rétt til að taka sjálfstæðar ákvarðanir um eigið líf, sér í lagi á sviðum efnahags, atvinnumála og menningar. Með stefnu um hófsemi í ríkisútgjöldum og skattalækkanir stefnir flokkurinn að því að efla atvinnufrelsi og skapa ný tækifæri í íslensku efnahagslífi.

„Íslenska þjóðin á rétt á því að taka beinan þátt í ákvörðunum sem snerta líf hennar. Lýðræðisflokkurinn mun standa vörð um rétt einstaklinganna til að móta sitt eigið líf, án óþarflegs inngrips ríkisvaldsins. Við leggjum áherslu á frelsi, ábyrgð og sjálfstæði borgaranna,“ segir Arnar Þór Jónsson.

Þrír efstu frambjóðendurnir í hverju kjördæmi eru:

Suðvesturkjördæmi:

1. Arnar Þór Jónsson, lögmaður 

2. Hrafnhildur Sigurðardóttir, kennari 

3. Magnús Gehringer, framkvæmdastjóri 

Reykjavíkurkjördæmi norður:

1. Baldur Borgþórsson, ráðgjafi og fyrrverandi varaborgarfulltrúi 

2. Hildur Þórðardóttir, rithöfundur

3. Þráinn Guðbjörnsson, áhættustjóri 

Reykjavíkurkjördæmi suður:

1. Kári Allanson, lögfræðingur og tónlistarmaður 

2. Ívar Orri Ómarsson, verslunareigandi

3. Elinóra Inga Sigurðardóttir, frumkvöðull og hjúkrunarfræðingur 

Suðurkjördæmi:

1. Elvar Eyvindsson, bóndi 

2. Birkir Einarsson, framkvæmdastjóri

3. Guðbjörg Elísa Hafsteinsdóttir, söngkona

Norðausturkjördæmi:

1. Gunnar Viðar Þórarinsson, framkvæmdastjóri 

2. Helga Dögg Sverrisdóttir, kennari og sjúkraliði 

3. Bergvin Bessason, blikksmiður

Norðvesturkjördæmi:

1. Eldur Smári Kristinsson, formaður Samtakanna 22

2. Ágústa Árnadóttir, snyrtifræðingur 

3. Sigurður Bjarnason, kerfisfræðingur 

Tengdar fréttir

Alþingiskosningar 2024

Hálfgerð martröð fyrir kosningastjóra

• Vill auka orkuframleiðsluna um 25% á áratug
• Þórður Snær afboðar sig
• GerviBjarni svarar spurningum kjósenda
• Maskína: Sósíalistar á uppleið

» Fleiri tengdar fréttir

• Blogga um frétt