Stefán Vagn Stefánsson, þingmaður Framsóknar, verður áfram oddviti Framsóknar í Norðvesturkjördæmi. Allir þingmenn flokksins í kjördæminu halda sínu sæti.

Þetta kemur fram í tilkynningu flokksins en listinn var samþykktur á fundi kjördæmissambands Framsóknar í Norðvesturkjördæmi fyrr í kvöld.

Í öðru sæti á listanum er Lilja Rannveig Sigurgeirsdóttir, þingmaður Framsóknar, og í þriðja sæti er Halla Signý Kristjánsdóttir, þingmaður Framsóknar.

Framsókn var í síðustu kosningum stærsti flokkurinn í Norðvesturkjördæmi og fékk þrjá menn kjörna á þing. 

Ætla sér að halda þingmannafjöldanum

„Það er heiður að leiða þennan öfluga og reynslumikla hóp Framsóknarfólks úr kjördæminu. Við hlökkum til að hitta kjósendur næstu daga og vikur fram að kosningum.

Framsókn er og verður öflugur samvinnuflokkur með sterkar rætur í kjördæminu og við ætlum að halda okkar þrem þingmönnum í kjördæminu,“ er haft eftir Stefáni í tilkynningunni.

Oddviti Framsóknar á Akranesi, Ragnar Baldvin Sæmundsson, skipar fjórða sæti listans og í fjórða sæti er Ragnar Baldvin Sæmundsson, oddviti Framsóknar á Akranesi. Í fimmta sæti er Þorgils Magnússon, varaþingmaður Framsóknar.

Listi Framsóknar í Norðvesturkjördæmi í heild:

1. Stefán Vagn Stefánsson, alþingismaður
2. Lilja Rannveig Sigurgeirsdóttir, alþingismaður
3. Halla Signý Kristjánsdóttir, alþingismaður
4. Ragnar Baldvin Sæmundsson, bæjarfulltrúi
5. Þorgils Magnússon, byggingartæknifræðingur
6. Gunnar Ásgrímsson, kennaranemi
7. Steinunn Guðmundsdóttir, vélvirkjanemi og nemi í véliðnfræði við HR
8. Garðar Freyr Vilhjálmsson, mjólkurfræðingur
9. Sigríður Hulda Guðbjörnsdóttir, málstjóri farsældarbarna
10. Sigurbjörn Rafn Úlfarsson, framkvæmdastjóri
11. Gauti Geirsson, framkvæmdastjóri
12. Jóhanna María Sigmundsdóttir, staðgengill sveitarstjóra
13. Elsa Lára Arnardóttir, aðstoðarskólastjóri
14. Sveinn Bernódusson, stálsmíðameistari

Tengdar fréttir

Alþingiskosningar 2024

Framboðslistar flokkanna í Suðurkjördæmi

• Guðlaugur segir valkostina vera skýra
• Marta og Björn með Ragnari í Reykjavík norður
• Feðgar í framboði fyrir sitthvorn flokkinn
• Framboðslistar flokkanna í Suðvesturkjördæmi

» Fleiri tengdar fréttir

• Blogga um frétt