Hafdís Hrönn færir sig úr Suðurkjördæmi
Setja bókamerki
Hafdís Hrönn Hafsteinsdóttir, þingmaður Framsóknar, hefur ákveðið að skipta um kjördæmi fyrir komandi alþingiskosningar og gefur nú kost á sér í 2. sæti á framboðslista flokksins í Reykjavíkurkjördæmi norður.
Þetta tilkynnir hún í færslu á Facebook-síðu sinni.
Hafdís segir ákvörðunina hafa verið erfiða en hún sat í þriðja sæti í Suðurkjördæmi fyrir alþingiskosningarnar árið 2021.
Þung staða í Suðurkjördæmi
Halla Hrund Logadóttir, fyrrum orkumálastjóri og forsetaframbjóðandi, verður í fyrsta sæti kjördæmisins og mun formaður flokksins, Sigurður Ingi Jóhannsson, verma annað sætið.
Miðað við skoðanakannanir síðustu vikna myndi Framsókn ekki ná inn kjördæmakjörnum þingmanni í Suðurkjördæmi ef kosið væri nú.
Í nýjustu könnun prósents mældist flokkurinn með 5.8% fylgi á landsvísu.
30% afsláttur á flugfargjöldum Icelandair
Úthugsað eða alvarlegt reynsluleysi
„Þá liggur beinast við að strika hann út“
Stuðningur við foreldra nauðsynlegur
Búa sig undir árásir næstu daga
Ingibjörg leiði Miðflokkinn í Norðvesturkjördæmi