Kristján Þórður Snæbjarnarson, formaður Rafiðnaðarsambands Íslands, verður í 3. sæti í öðru Reykjavíkurkjördæmanna.
Hann tilkynnir á facebook að uppstillingarnefnd Samfylkingarinnar í Reykjavík muni leggja þetta til á fundi á morgun þar sem listarnir verða samþykktir.
„Það yrði mér mikill heiður og ég veit að þetta verða sterkir listar sem Samfylkingin teflir fram – með öflugu forystufólki, reynsluboltum og svo fólki eins og mér sem er nýtt í framlínu stjórnmálanna,“ skrifar hann í færslu á facebook.
Hann segir að hann vilji að velferðarstjórn verði kosin í komandi þingkosningum.