Streymi: Kynferðisofbeldi gegn börnum með notkun gervigreindar
Setja bókamerki
Málþing um kynferðisofbeldi gegn börnum með notkun gervigreindar fer fram í Veröld, húsi Vigdísar, í dag.
Mennta- og barnamálaráðuneytið og Háskóli Íslands boða til þingsins en hægt er að fylgjast með í beinu streymi hér fyrir neðan. Dagskrá þess hefst klukkan 13:30.
Setja andlit barna á klámfengið efni
Við blasir nýr veruleiki í kjölfar tækniþróunarinnar en t.d. er hægt að búa til ólöglegt efni með gervigreind án þess að raunverulegar manneskjur komi við sögu eða setja andlit barna á klámfengið efni með notkun gervigreindar.
Vekur það upp ýmsar spurningar um hvernig dreifing og varsla barnakláms, sem alfarið er unnið af gervigreind, falli undir þau lög sem gilda í dag. Þessum spurningum ásamt öðrum verður varpað fram á málþinginu.
Fjórir sérfræðingar halda tölu á þinginu og varpa ljósi á dökku hliðar gervigreindar og misnotkun slíkrar tækni til að brjóta kynferðislega á börnum.
- Philip D. Jaffé, prófessor við Genfarháskólann og nefndarmaður í barnaréttindanefnd Sameinuðu þjóðanna.
- Regína Jensdóttir, yfirmaður barnaréttindasviðs Evrópuráðsins.
- Matthew McVarish, meðstofnandi Brave Movement
- Anton Toni Klančnik – Sérfræðingur í barnavernd hjá netglæpadeild Europol.
Funda með þingflokkum
Alvarleg netárás á Wise
„Mér finnst gamla Samfylkingin komin aftur“
Bjarni: „Útilokað að þetta geti gengið upp“
Var engin kristnitaka árið 1000?
Forstjóri bendir á ábyrgð birgja vegna verðhækkana
/frimg/1/53/78/1537870.jpg)
Í kaffi með Vigdísi
„Börn heima sem maður myndi vilja hafa í skjóli“
