Rósa Björk Brynjólfsdóttir, varaþingmaður Samfylkingarinnar, virðist hafa sagt skilið við flokkinn.
Hún skipar annað sæti lista Vinstri grænna í Reykjavíkurkjördæmi norður í komandi þingkosningum.
Rósa Björk sagði sig úr þingflokki Vinstri grænna árið 2020 og sagðist hún þá ekki lengur eiga samleið með flokknum.
Hún gagnrýndi flokkinn á þeim tíma fyrir að hafa ekki mótað nýja stefnu í málefnum innflytjenda og hælisleitenda eða fylgt mannúðarsjónarmiðum í málaflokknum.
Hún gekk til liðs við Samfylkinguna nokkrum mánuðum síðar og var í öðru sæti á lista flokksins í Reykjavíkurkjördæmi suður í síðustu kosningum. Hún hefur setið sem varaþingmaður flokksins síðan.