Ingibjörg Isaksen leiðir í Norðausturkjördæmi
Setja bókamerki
Ingibjörg Ólöf Isaksen, þingmaður Framsóknarflokksins, leiðir lista flokksins í Norðausturkjördæmi.
Kjördæmissamband Framsóknarflokksins í Norðausturkjördæmi samþykkti framboðslista á kjördæmisþingi fyrr í dag.
Í öðru sæti er Þórarinn Ingi Pétursson, alþingismaður og bóndi, og þriðja sæti skipar Jónína Brynjólfsdóttir, forseti sveitarstjórnar. Í fjórða sæti er Skúli Bragi Geirdal, verkefnisstjóri Fjölmiðlanefndar, og í fimmta sæti er Þuríður Lillý Sigurðardóttir, bóndi og bæjarfulltrúi.
Stolt af árangri kjörtímabilsins
,,Ég er stolt af því að fá að leiða þennan öfluga lista okkar Framsóknarfólks í kjördæminu. Við byggjum á góðri reynslu, dýrmætum mannauð og breiðri þekkingu á kjördæminu öllu. Við höfum átt í góðu samtali við fólkið í kjördæminu og göngum full tilhlökkunar til samtals við kjósendur, enda eru tækifærin mörg og fjölbreytt,” er haft eftir Ingibjörgu í tilkynningu.
„Við viljum halda áfram að efla heilbrigðisþjónustu um land allt, vinna að orkuöryggi, húsnæðismálum og ekki síst að vinna að lækkun vaxta og verðbólgu fyrir fólkið í landinu. Við erum stolt af þeim árangri sem náðst hefur í flóknu samstarfi á síðustu árum og hlökkum til samtalsins næstu vikna,“ er jafnframt haft eftir henni.
Listi Framsóknar í Norðausturkjördæmi í heild sinni:
- Ingibjörg Ólöf Isaksen, alþingismaður, Akureyri
- Þórarinn Ingi Pétursson, alþingismaður, Grýtubakkahreppi
- Jónína Brynjólfsdóttir, forseti sveitarstjórnar, Múlaþingi
- Skúli Bragi Geirdal, verkefnisstjóri Fjölmiðlanefndar, Akureyri
- Þuríður Lillý Sigurðardóttir, bóndi og bæjarfulltrúi, Fjarðabyggð
- Kristinn Rúnar Tryggvason, bóndi, Norðurþing
- Ásdís Helga Bjarnadóttir, yfirverkefnastjóri, Múlaþingi
- Jón K. Ólafsson, forstöðumaður, Fjallabyggð
- Eiður Pétursson, vélfræðingur, Norðurþingi
- Halldóra Magnúsdóttir, kennari, Eyjafjarðarsveit
- Elís Pétur Elísson, framkvæmdastjóri, Fjarðarbyggð
- Kristjana Louise Friðbjarnardóttir, starfsmaður á hjúkrunarheimili, Vopnafirði
- Eggert Stefánsson, bóndi, Langanesbyggð
- Patrycja Maria Reimus, námsráðgjafi, Þingeyjarsveit
- Halldóra Hauksdóttir, lögmaður, Akureyri
- Monika Margrét Stefánsdóttir, framkvæmdastjóri, Dalvíkurbyggð
- Snæbjörn Sigurðson, verkefnastjóri, Akureyri
- Aðalheiður Björt Unnarsdóttir, ritari, Múlaþingi
- Egill Olgeirsson, ellilífeyrisþegi, Norðurþingi
- Líneik Anna Sævarsdóttir, alþingismaður, Fjarðarbyggð
„Þá liggur beinast við að strika hann út“
Skilaboðin í heild sinni: Dagur „aukaleikari“
„Staðan er óásættanleg og það er ekki kennurum að kenna“
Búa sig undir árásir næstu daga
Úthugsað eða alvarlegt reynsluleysi
Hvalur hf. sækir um leyfi til hvalveiða
Þéttsetinn dómsalur næstu daga
Á fjórða tug barna með E.coli