Einn var fluttur á slysadeild til að kanna með mögulega reykeitrun vegna elds sem kviknaði í hjólhýsi í Almannadal í morgun.
Þetta segir Ásmundur Rúnar Gylfason, aðstoðaryfirlögregluþjónn hjá lögreglunni á höfuðborgarsvæðinu, í samtali við mbl.is.
Ekki liggur fyrir hvort viðkomandi hafi verið í hjólhýsinu þegar eldurinn kviknaði.
Lögregla fer með rannsókn málsins. Á þessu stigi er ekki grunur um saknæmt athæfi.
Að sögn Jóns Kristins Valssonar, aðstoðarvarðstjóra hjá slökkviliðinu á höfuðborgarsvæðinu, tók um hálftíma að slökkva eldinn. Þá sé hjólhýsið illa farið.