Búist er við því að Reykjanesbraut verði opnuð aftur fljótlega eftir þriggja bíla árekstur sem varð í morgun.
Þrír voru fluttir á slysadeild og er einn meira slasaður en hinir, að sögn Stefáns Más Kristinssonar, varðstjóra hjá slökkviliðinu á höfuðborgarsvæðinu.
Verið er að fjarlægja bílana af veginum og eftir það verður hann þrifinn. Bílarnir eru allir illa farnir.
Stefán Már segist ekki hafa upplýsingar um tildrög slyssins.
Reykjanesbraut var lokað í báðar áttir og er hjáleið um Krýsuvíkurveg, Suðurstrandarveg og Grindavíkurveg.
Uppfært kl. 8.57:
Búið er að opna Reykjanesbraut í báðar áttir að nýju.