Þéttsetinn dómsalur næstu daga
Setja bókamerki
Þéttsetið verður í dómsal 101 í Héraðsdómi Reykjavíkur þessa vikuna þar sem aðalmeðferð í stóru fíkniefnamáli hefst í dag.
Málið hefur ýmist einfaldlega verið nefnt „stóra fíkniefnamálið“, kennt við potta, þar sem fíkniefni fundust falin í pottum, eða Sólheimajökul, þar sem spjallhópur nokkurra sakborninga er sagður heita í höfuð á jöklinum. Í umfjöllun mbl.is verður notast við hið síðastnefnda.
Málið er umfangsmikið og flókið. Lögregla hefur lagt hald á um sex kíló af fíkniefnum, hátt í 40 milljónir króna, peningatalningavélar, auk verulegs magns vopna, þ.á.m. hin ýmsu skotvopn, sverð, fimm axir og fjölda stunguvopna.
Sakborningarnir eru 18 talsins, 5 konur og 13 karlar. Flest eru á fertugs- og fimmtugsaldri, en sá yngsti er 28 ára og sá elsti 71 árs. Á meðal þeirra eru einar mægður og einir feðgar.
Einn sakborninganna játaði sök fyrir dómi í ágúst og var mál hans klofið frá máli annarra. Allir hinir sautján sakborningar í málinu hafa neitað sök í helstu ákæruliðum.
Flest handtekin í apríl
Forsaga málsins er sú að í júní á þessu ári fór fram umfangsmikil lögregluaðgerð vegna glæpahópsins sem grunaður er um innflutning, vörslu, sölu og dreifingu fíkniefna.
Á þriðja tug manna var handtekinn í þágu rannsóknarinnar og framkvæmdar voru rúmlega þrjátíu leitir í umdæminu.
Flestir sakborninganna voru handteknir í aðgerðum lögreglu um miðjan apríl, en þá stóð hópurinn fyrir komu tveggja manna sem fluttu fíkniefni til landsins með skemmtiferðaskipi.
Höfuðpaurarnir á fertugs- og fimmtugsaldri
Níu sakborninganna eru ákærðir fyrir skipulagða brotastarfsemi og stórfellt fíkniefnalagabrot með því að hafa á árinu 2023 til 11. apríl á þessu ári selt og dreift fíkniefnum hér á landi. Þau eru sögð hafa sammælst um tiltekna verkaskiptingu við geymslu, pökkun, sölu og dreifingu efnanna.
Þá eru sakborningar málsins einnig grunaðir um vopnalagabrot, peningaþvætti og umferðarlagabrot. Einn er grunaður um tilraun til manndráps.
Höfuðpaurar glæpahópsins eru taldir vera þeir Jón Ingi Sveinsson, 47 ára, og Pétur Þór Elíasson, 36 ára. Lögregla telur þá vera eigendur fíkniefnanna.
Í gæsluvarðhaldsúrskurði yfir Jóni Inga segir að hann hafi rætt um starfsemina „ eins og hann væri að reka fyrirtæki”.
/frimg/1/50/64/1506412.jpg)
Gert er ráð fyrir að aðalmeðferð í málinu ljúki á föstudag að loknum málflutningi sækjanda og verjanda. Greint verður frá framvindu málsins í héraðsdómi á mbl.is.
Jón Pétur í þriðja sæti hjá Sjálfstæðisflokki
„Þá liggur beinast við að strika hann út“
Birgir spenntur fyrir nýjum kafla
Skilaboðin í heild sinni: Dagur „aukaleikari“
Úthugsað eða alvarlegt reynsluleysi
Ingibjörg leiði Miðflokkinn í Norðvesturkjördæmi
Fella niður skólastarf á morgun