Halla tekur við störfum formanns VR

Ragnar Þór Ingólfsson, formaður VR, er kominn í leyfi frá störfum fram yfir alþingiskosningarnar 30. nóvember næstkomandi og mun Halla Gunnarsdóttir, varaformaður félagsins, taka við.

„Ég sem varaformaður tek við hans skyldum á meðan sem er bara í samræmi við lög og reglur félagsins,“ segir Halla í samtali við mbl.is.

Frétt af mbl.is

Tekur sér leyfi sem formaður VR

Fékk góðar óskir fyrir komandi baráttu

Boðað hafði verið til stjórnarfundar hjá VR í kvöld og segir Halla að þar hafi myndast fínar umræður og að allir hafi verið einhuga um þá niðurstöðu að hún tæki við.

Þá hafi hann fengið góðar óskir frá stjórninni fyrir komandi kosningabaráttu.

• Blogga um frétt