Myndskeið: Hlýjar móttökur Selenskís á Bessastöðum
Setja bókamerki
„Selenskí forseti, velkominn til Íslands. Það er virkilega indælt að taka á móti þér,“ sagði Halla Tómasdóttir, forseti Íslands, þegar hún tók á móti Volodimír Selenskí Úkraínuforseta á tröppum Bessastaða í morgun.
Eins og búist var við var öryggisgæslan gríðarlega mikil í aðdraganda heimsóknarinnar.
Lögregluhundur þefaði af myndavélabúnaði sem ljósmyndarar fjölmiðla höfðu meðferðis og eftir að blaðamenn höfðu lagt bílum sínum í nágrenni við Bessastaði var þeim fylgt þangað af lögreglumanni, sem er óvenjulegt þegar um blaðamannafund er að ræða.
Nokkru síðar blikkuðu blá ljós á Álftanesvegi og var þá ljóst að bílalest Selenskís var á leiðinni. Í kringum Bessastaði stóðu vopnaðir sérsveitarmenn vörð.
Þegar Selenskí steig út úr bíl sínum gekk hann upp tröppurnar að Bessastöðum þar sem Halla tók hlýlega á móti honum.
Þegar inn var komið fóru forsetarnir tveir inn á Thomsen-skrifstofu þar sem Selenskí settist við skrifborðið og skrifaði í gestabókina.
Að því loknu var farið inn í bókhlöðu Bessastaða þar sem upphaf tvíhliðafundar forsetanna var myndað.
Fékk lítinn svefn í nótt
Halla spurði Selenskí hvort hann hefði náð einhverjum svefni í nótt og kvaðst hann ekki hafa fengið langan svefn.
Kemur það ekki á óvart enda Úkraínuforseti sérlega upptekinn maður.
Fjölmiðlum hafði verið greint frá því að engin formleg yfirlýsing yrði veitt að loknum fundi forsetanna og yfirgáfu blaðamenn því Bessastaði að myndatökum loknum.
Selenskí mun síðar í dag sækja þing Norðurlandaráðs, sem verður sett kl. 14.15. Munu þeir Birgir Ármannsson, forseti Alþingis, og Einar Þorsteinsson borgarstjóri flytja þar setningarávörp.
Þá flytur Selenskí sjálfur ávarp kl. 10.40.
Sáu eldgosið brjótast út frá Snæfellsnesi
Átti ekki að láta pirring bitna á sjúklingi
Hraunið náð Njarðvíkuræð: Fylgjast með raflínu
„Erum í miðri hrinu“: Styttist í Eldvörp
Á algjöru frumstigi eftir þrjár vikur af verkfalli
Hraunið við bílastæði Bláa lónsins
Úlfar: Heppileg tímasetning á gosinu
Spara stórfé með olíukaupum ytra